起鍋

Open Now

Now Closed

今日嚟到灣仔同friend食好西，嚟到駱克道得利樓嘅起鍋，依間餐廳嘅裝修好有懷舊港風風格，非常有氣氛，而且裝修擺設亦都好有格調，啱晒打卡。除此之外，佢嘅漲了佢亦都非常吸引，有各種嘅醬料同配料，而且除咗仲有一半嘅港式火鍋醬料之外，仲有其他選擇。-我哋叫咗個二人餐，都包幾多嘢食，分別有海鮮拼盤一、牛肉拼盤、丸同餃、蔬菜拼盤同埋水雲麵，另外仲有一個午餐肉小食，份量都幾多，我哋兩個男仔食一定夠食，而且我哋仲另外嗌咗一碟吊龍肉。-響鈴午餐肉幾特別，香噴噴嘅午餐肉外面包着一層響鈴腐皮，無論口感定係味道都好特別，幾好食。-而火鍋方面，我叫咗芫荽皮蛋湯，個湯底非常清甜好飲，而且一啲都唔熱氣。而牛肉非常出色，全部都係新鮮牛肉，非常有牛味，味道濃郁，脂肪肥瘦比例都好靚，果然靚嘅牛肉就係跟返啲清甜嘅湯底，濃郁幾牛味加上清甜嘅湯，非常好食。而海鮮亦都好新鮮，丸同餃才都好特別而且彈牙，好食到停吾到口。