榮樂茶餐廳

Open Now

Now Closed

瀝源邨自落成到家陣都已經40幾年㗎啦，依家榮樂茶餐廳自然有番咁上下年紀啦。入邊啲裝修同埋個門面都好有歷史痕跡。時間尚早，所以買咗個早餐返屋企嘆下先。今次買咗個沙嗲牛米加奄列配奶醬多。佢一路以來呢個奄列呢都係擺喺個米粉或者麵上面嘅。佢奄列呢啲蛋呢就煎啱啱熟入邊啲火腿都好多，咬落真係啖啖火腿，加埋個香滑ge蛋，一流!咁個沙嗲牛米呢，啲牛肉有咬口，沙嗲味又香濃米粉都好彈牙，份量都唔少，夠飽肚！最後到個奶醬多，多士烘過，變得香脆，入面d奶醬又香又滑令人想食完再食，一啖接一啖！