羅麥記 (V City) (Closed)

大商場之中, 有時都會搵到一啲特色的餐廳, 出街食餐飯, 可以用合理價錢解決, 坐得舒舒服服唔迫人, 而又唔係茶餐廳咁hea, 羅麥記裝修懷舊主題, 帶爸爸黎食就最啱, 或會憶起一啲舊情懷。新出左啲家常小菜, 之前黎都未見的, 咁係好既, 有新野就唔會咁易悶啦。小菜餐跟左飯同飲品, 都係$68無加一都幾抵食!阿爸要左熱奶茶, 都幾大杯, 試左幾啖, 奶茶又香又滑, 茶味同奶味平衡, 佢都讚好飲呢!蝦多士$60: 每件大大舊, 對得起呢個價錢, 食完5件一定飽, 當然最好就係可以同人分享啦, 咬落口感好鬆化, 多士外面炸過好似油炸鬼咁香, 內裡綿得很, 正合我口味, 蝦膠部分爽鮮, 夾雜住蔥碎幾香, 唔錯!羅麥汁牛河$68: 羅麥汁其實係濃濃既瑞士汁, 甜甜地, 好能引起人食慾, 河粉淋滑, 夾有芽菜同豆角既爽口感, 比人感覺唔膩, 牛肉切得薄薄, 非常嫩滑, 入口即溶, 而且都幾多片。上湯蝦乾浸勝瓜$68: 睇勝瓜個樣, 都知佢煮得唔夠耐啦, 果然, 口感偏爽, 一般人都鍾意食淋甜啲, 應該加加火喉, 不過我地欣賞佢批晒外皮，唔會硬。個調味唔錯, 蝦乾我地屋企以往只會煮節瓜, 原來煮勝