Trattoria Caffe Monteverdi (Moved) New Location

西營盤有間比較舊式嘅西餐廳，裝修都比較懷舊，見牆上都掛上獎狀，餐牌所有野都以英文為主，午餐有餐湯或者沙律🥗主菜、甜品同餐茶。餐前有份餐包用左個好精緻嘅布籃盛裝左香草包，熱辣辣點上欖油好味呀⋯⋯餐湯係南瓜湯，飲落口好多南瓜溶👍🏻👍🏻👍🏻白酒蜆肉意粉🍝好多蜆肉呀😍意粉煮到啱啱好唔會太硬或太淋身，汁醬有小小酒味好香。紅酒燜牛頰肉🧆燜得好淋入口即溶，薯仔蘿蔔吸晒d汁堅好味😂😂😂甜品係意式奶凍：整得好滑好濃奶味正正正。