得龍大飯店 (Moved) New Location

今晚我們去咗新蒲崗嘅「得龍大飯店」食晚飯！我們叫咗蓮藕煲瘦肉湯、鴨腳包、蜜餞金錢鷄、炸鮮奶拼燒鱔、順德鐵板煎釀鯪魚、砂鍋扣肉脆米炒飯、鷄蛋焗魚腸同啫啫芥蘭煲！蓮藕煲瘦肉湯嘅味道過鹹，無乜瘦肉嘅味道！鴨腳包係由鵝腸包住鴨腳、叉燒粒、鷄膶同豬腩肉組合而成，口感相當特別，味道非常香甜！蜜餞金錢鷄係由鷄膶、叉燒、豬腩肉同薑組合而成，層次感十足，口感非常豐富！炸鮮奶拼燒鱔嘅燒鱔燒得非常香脆，肉質亦相當嫩滑彈牙！係本人嘅必食推介！順德鐵板煎釀鯪魚嘅鯪魚肉雖然肉質彈牙，但炸得唔夠脆，再加上醬汁同鯪魚肉嘅味道唔係太夾，有怪怪嘅感覺！砂鍋扣肉脆米炒飯嘅炒飯加咗脆米同扣肉一齊炒，炒到粒粒分明，味道非常香脆同香口！鷄蛋焗魚腸煮得過火，鷄蛋一啲都唔嫩滑，係硬實實嘅！啫啫芥蘭煲嘅味道超鹹，芥蘭亦煮得唔係太熟！