麪譜車仔麵

Open Now

Now Closed

鍾意食車仔麵嘅我，一見到車仔麵嘅舖頭就一定要試吓，今次經過呢一間車仔麵店，就入去食吓晚飯啦，佢哋嘅裝修好懷舊，好有feel，坐低咗之後就會有紙仔俾你填想食乜餸，除咗有車仔麵，仲有一啲小食，至於車仔麵嘅餸我就叫咗三個餸，冬菇，滷水雞翼同埋滷水豬大腸，全部都係超級入味嘅食物，冬菇非常之香嘅菇味，至於滷水雞翼同埋豬大腸，有好濃郁嘅滷水味，雞翼仲軟林林超級正，湯底就揀咗麻辣嘅小辣，佢哋嘅辣度比起出邊嘅在辣一啲，所以唔太食得辣嘅朋友就要揀BB辣以下啦，只朋友就揀咗糖心蛋，麻辣魷魚，同埋豬腩肉，糖心蛋真係做得出糖心嗰隻，麻辣魷魚好入味，至於豬腩肉都好林身，唔會好鞋👍👍👍另外我哋仲叫咗兩個小食，一個就係酸齋，另一個就係涼拌皮蛋，酸齋不過不失，都係正正常常要有嘅味道，至於涼拌皮蛋，皮蛋係糖心嘅，所以入口好軟滑，再加埋類似口水汁，好好味好開胃👍整體真係唔錯，湯底濃郁，所有配料餸菜都入味，價錢又親民，都值得一試😎