火水爐花膠館 (Closed)

收工後，和朋友來到屯門火水爐花膠館，餐廳走懷舊裝修風，佈滿搶眼霓虹燈裝修﹗和朋友點了澳洲雪花和牛火鍋放題套餐$298，湯底則是招牌麻辣花膠雞煲。前菜小食有炸陳皮魚蛋同炸燒賣，朋友不斷稱讚魚蛋味香濃彈牙。枱面有自家製菜脯、炸蔥油，相當惹味。小麻辣花膠雞煲有不少佐料，包括蒜頭、芫茜、洋蔥，所以聞落特別香濃惹味﹗雞肉切得夠大塊，唔會只係得骨頭部份，雞肉肉質嫰滑入味﹗入面不少豬皮同兩大塊大頭花膠，豬皮爽口入味，花膠厚實滋味無窮﹗食完雞煲後由店員加上湯底，所加入湯底係由花膠熬成，鮮味無比﹗套餐可以任食澳洲雪花和牛、安格斯牛頸脊、美國頂級肥牛黑毛豬肉片。亦有不少配料和時令蔬菜，連少見茼蒿都有﹗澳洲雪花和牛：和牛雪花紋理好靚，薄薄一片，牛肉味香濃，友人大讚好耐未食如此高質牛肉﹗安格斯牛頸脊:牛頸脊切得較長身，肉味同樣香濃，較雪花和牛有咬口﹗火鍋配料選擇多，在侍應熱情推介配料下，得知原來餃子都係人手包。推介爆醬魚丸：魚丸彈牙，入面包住肉碎，一咬爆汁﹗服務員殷勤，不時幫我們控火候，會幫忙倒骨頭，亦會推介配料，人情味濃﹗