同撈同煲

Open Now

Now Closed

同朋友行開九龍城搵食，除了泰菜選擇外這邊還有不同嘅選擇，今晚就比這間店面吸引了，再望望就係咁入去了，門面好有懷舊特色，內裡亦充滿懷舊主題裝修，對於舊香港嘅東西，店內總有你認識嘅物件，可以懷緬一下！這裡主打就係打邊爐火鍋，湯底個個都好有特色，今晚同朋友就點了冬甫美人鍋，這個在夏天比較解暑之餘，還有半隻雞，湯底一滾就可以先飲頭啖湯，入口十分鮮味，湯中有花膠，桃膠，大蔥，黃芽白，紅棗，杞子，蟲草花等材料，多飲碗滋潤清熱湯底後就係這裡嘅火鍋配料，有五香肉丁墨魚丸，彈牙墨魚丸內有香港人必食過嘅五香肉丁，有雙重口味嘅感覺！另一款必食推介醬爆瀨尿牛丸，一咬落去差點俾啲汁彈到，在口中爆汁感強，牛肉味道濃郁。還有份四寶餃，有大大隻蝦仁嘅鳳城水餃、十分彈牙嘅鮮蝦雲吞、韮菜味濃郁嘅韮菜餃、比較特別嘅芋頭臘味餃。隻隻餃滾熟後都係大大隻，正！小食嘅炸雲吞亦十分出色，炸得大大隻之餘外面香脆，裡面有大大隻彈牙爽口嘅蝦仁，配埋個酸汁十分好味！老油條都十分脆身香口，炸得十分香脆，入口前配埋個酸汁或浸一下湯底又係另一種口味！最後店員告知有甜品奉送，還有舊式的遮仔啫厘，同鯉魚樣的懷舊糖不甩，店員會即時將鯉魚下火鍋待軟身後再