鼎尚棋哥燒鵝湯館 (Closed)

今日去咗戲曲中心參觀行到肚餓入去呢間新開嘅鼎尚棋哥燒鵝湯館入面係老香港裝修仲播住懷舊嘅廣東歌 原來間餐廳係由鼎爺同埋棋哥合作開有齊兩間店舖最出名嘅食物 椰皇燉嫩雞湯呢個湯真係好清甜用原個椰皇去燉入面仲有清甜嘅椰子肉呢個天氣飲真係好滋潤 椰菜瑤柱海皇湯入面用咗好多海味例如瑤柱蝦米蠔豉去燉呢個湯真係好鮮好滋味 燒味雙拼：脆皮燒腩仔&秘製叉燒脆皮燒腩仔層次分明脆皮十分鬆化加埋啲花生好好食叉燒係完美嘅半肥瘦而且好入味 荔枝柴燒鵝飯呢個燒鵝真係不得了一上枱就已經聞到好香嘅荔枝柴味而且燒鵝嘅皮燒到好鬆化下面嘅飯一樣好好味聽侍應哥哥講係用咗頂級越南嘅米食落去好有咬口 桂香切雞瀨粉切雞嫩滑瀨粉好出色，好爽口同彈牙 不得不提嘅係呢度嘅外賣支裝香滑凍奶茶茶味好香濃而且甜度啱啱好 臨走嘅時候見到有d好靚既外賣湯杯喺度設計特別，方便邊行邊飲成個咖啡杯咁可以加埋手抽，方便擕帶