Video
Read full review
2023-08-31
34 views
📍灣仔 《起鍋》 #懷舊香港風味火鍋 一入餐廳就感受到滿滿嘅懷舊風✨ 由餐廳佈置到碗碗碟碟，都係舊香港𝟖𝟎-𝟗𝟎年代風，再夾雜少少泰國風情🤣 成晚都聽到好多香港經典歌曲，氣氛超正🥰✨起鍋二人套餐 $𝟕𝟑𝟔 我地叫左個兩人套餐，揀咗清清地既皮蛋芫茜湯，湯底有好多皮蛋，豆腐同豬肉片。皮蛋食得出係靚貨，好甘香，豆腐超滑但又唔易散，都想知係用咩牌子🤣 ✨潮汕牛拼盤 用上新鮮騸牯牛，餐廳好細心用小木牌標記，吊龍、匙柄、雪花同三花，每個部位都各有特色，新鮮牛呈鮮紅色，食落牛味濃甘甜，最中意三花，食落有少少筋位脂肪，油香十足🤤 ✨海鮮拼盤 海鮮拼盤上盤好有氣勢，伴隨住乾冰霧氣🥶 有鮮蝦、蠔同蟶子皇，全部食材都好新鮮，鮮蝦🦐爽口彈牙，蟶子皇好大隻鮮甜無沙🤩 ✨響鈴午餐肉 本身炸好可以就咁食，外層係薄脆響鈴，包住午餐肉，食落好香口，本身係午餐肉忠實𝐅𝐚𝐧𝐬，表示呢個組合好正，未開始邊爐就清晒😋 ✨仼選自家手打新鮮丸（𝟏𝟐粒）三款 分別點左梅菜豬肉手打丸、手打墨魚丸同牛丸，梅菜豬肉丸好特別，食落口感係似山竹牛肉球，但又有梅菜蒸肉餅既味，可以一試🤔牛丸口感結實牛味都好足🐮 ✨任選即叫即包餃
#懷舊香港風味火鍋
一入餐廳就感受到滿滿嘅懷舊風✨
由餐廳佈置到碗碗碟碟，都係舊香港𝟖𝟎-𝟗𝟎年代風，
再夾雜少少泰國風情🤣 成晚都聽到好多香港經典歌曲，
氣氛超正🥰
✨起鍋二人套餐 $𝟕𝟑𝟔
我地叫左個兩人套餐，揀咗清清地既皮蛋芫茜湯，
湯底有好多皮蛋，豆腐同豬肉片。
皮蛋食得出係靚貨，好甘香，
豆腐超滑但又唔易散，都想知係用咩牌子🤣
✨潮汕牛拼盤
用上新鮮騸牯牛，餐廳好細心用小木牌標記，
吊龍、匙柄、雪花同三花，每個部位都各有特色，
新鮮牛呈鮮紅色，食落牛味濃甘甜，最中意三花，
食落有少少筋位脂肪，油香十足🤤
✨海鮮拼盤 海鮮拼盤上盤好有氣勢，
伴隨住乾冰霧氣🥶 有鮮蝦、蠔同蟶子皇，
全部食材都好新鮮，鮮蝦🦐爽口彈牙，
蟶子皇好大隻鮮甜無沙🤩
✨響鈴午餐肉
本身炸好可以就咁食，外層係薄脆響鈴，
包住午餐肉，食落好香口，本身係午餐肉忠實𝐅𝐚𝐧𝐬，
表示呢個組合好正，未開始邊爐就清晒😋
✨仼選自家手打新鮮丸（𝟏𝟐粒）三款
分別點左梅菜豬肉手打丸、手打墨魚丸同牛丸，
梅菜豬肉丸好特別，食落口感係似山竹牛肉球，
但又有梅菜蒸肉餅既味，可以一試🤔
牛丸口感結實牛味都好足🐮
✨任選即叫即包餃 (𝟏𝟐粒）三款
極度推介大頭菜黃芽白豬肉餃🥟，
大頭菜食落好爽口，餃子皮薄，餡料爆滿🤩
香茅蝦膠扎肉餃第一次食，香茅味好重，
蝦膠扎肉肉質爽口，唔同一般餃子餡，
呢款係近似扎肉餅既咬口。不過最愛都係韭菜豬肉餃，
韭菜味香濃，混合半肥瘦豬肉🐷
✨本地時令菜拼盤
蔬菜拼盤有幾款菜🥬，放滿成個木籃，
中意食唔同菜既人都滿足到，全部都好新鮮～
✨水雲面
港式粉麵店既幼麵，吸晒皮蛋芫茜湯既精華，
清清地作為埋尾好滿足☺️
味道：𝟗/𝟏𝟎
性價比： 𝟖/𝟏𝟎
Post
