麵檔

Open Now

Now Closed

最近留意到銅鑼灣多咗間車仔麵店，叫做麵檔。位置喺喺時代廣場斜對面👍🏻門面裝修已經好吸引，貼咗一啲好懷舊嘅海報，同埋有唱片機，俾佢吸引咗入去試一試。價錢都相當抵食。我食咗個四餸瑞士雞翼，懷舊豬大腸，香辣豬紅，春卷配米粉。朋友食咗個五餸瑞士雞翼，蠔油花菇，爆汁潮汕牛丸，五香牛肚，清湯蘿蔔油面。分量十足，每份配料都比唔少，唔會淨係比一兩件就算。推介必點嘅餸有👉🏻瑞士雞翼好入味。豬紅好大件，辣辣地好惹味。同埋豬大腸都值得一試。湯底可以揀加辣汁或者沙嗲，每張枱都會放咗一盅辣菜甫，一定要加埋嚟食呀。