一君士多 (Closed)

我幾鐘意食車仔麵，今次行街發現尖沙咀有間新的一君士多，應該是鄧一君開的。環境是屋台概念，走日式簡潔風格，以原木顏色為主，感覺溫馨。餐廳裝修亦糅合懷舊同摩登元素，如燈罩、椅子等。除了車仔麵，還有咖哩飯、泡飯、小食，甚至懷舊甜品香蕉船也有。天氣太凍未能試招牌菠蘿冰，點了熱柚子蜜同檸檬蜜，夠熱不太甜剛好。先來小食麻辣牛柏葉 $28質感爽口，麻辣味好出色。芝士蘑菇雞翼 $32咬下是香脆的外皮，內裡是嫩滑的雞肉，夾著邪惡的芝士、蘑菇，口感好豐富美味。自選三餸麵套餐 $55有清甜的白蘿蔔、入味的咖哩魚蛋及秘製辣魷魚，味道也不錯。豬扒椰湯泡飯 $58湯底椰香味重夠滑，幾好飲，配泡飯一流，而豬扒份量夠多，肉質鬆化。