媽咪雞蛋仔 (Closed)

媽咪雞蛋仔以我所知係得尖沙咀 li 間攞左米之蓮，之前都食過兩次，每次都要等好耐都好多遊客買。其實剩係講味道係唔錯嘅，有蛋味，不過水準有 d 唔穩定囉。頭一次食外面好脆，但裏面無咩肉。如果鐘意食勁脆嘅人就岩食啦，但我本人比較喜歡外脆內軟，要有 d 肉食下。第二次，口痕突然好想食雞蛋仔，就去買左底原味。li 次好 surprised, 比第一次好食好多，真係外脆內軟有肉食，覺得佢對得住米之蓮個名。第三次，點知，成底雞蛋仔爛左一半佢都可以照俾人。最初食左 d 爛左出黎嘅一粒粒，諗住一底總有幾粒跌出黎好正常，點知越食越多甩出嚟嗰 d，認真一睇，係有半底都係爛嘅，但我已經行左好遠。如果佢係街邊伯伯賣十蚊底，我唔怪佢。但爛左半底雞蛋仔都照俾個客就唔係幾對得住米之蓮個名囉。