日本橋海鮮丼 つじ半 TSUJIHAN

Open Now

Now Closed

老公最鐘意去購物既地方之一就係東涌既東薈城，因為特賣野平靚正。而老公話週末好難得可以去一轉，所以就喺果度早少少食埋晚飯就行下d店鋪。我地揀左呢間近喺地庫得黎近電梯既日本魚生茶漬丼，一來鐘意食魚生同茶漬都係我本人既大愛，上返去地面果層已經有晒老公鐘意睇既運動裝。呢度既魚生茶漬丼除左賣相吸引外，店員仲好有耐心向我同老公講解呢度既丼飯食法係有次序, 所以店員同客人既互動就令我好滿意呢度既service。雖然我好快唔記得晒d steps，但個飯食到剩低1/3 時就加埋d茶漬一齊食而enjoy到我既所有大愛。我同老公另外都嗌左個特上丼，因為呢個丼有海膽。甜品既抹茶布丁旁邊有紅豆同麥片真係同我平時麥片同希臘乳絡倒埋一齊食既口感好近似，但個甜品唔算太甜，同埋抹茶粉既份量都無佔晒呢個甜品既重點，所以老公都enjoy 到想自己一個獨食。