Video
Read full review
2019-04-28
933 views
Book mark 左咁耐嘅餐廳，今次終於食到喇！之前曾經有機會可以食到佢，最後因為某D事情發展最後冇黎到，星期五晚上來到餐廳，人客唔算多，主要以一對對情侶為主，而且呢度主打嘅美食係鐵板燒，感覺上環境清幽，好適合情侶喺呢度慶祝節日！鐵板燒套餐有好幾款，揀選之下最後揀咗一款最貴嘅套餐，呢款套餐最特別嘅係超大隻日本鮑魚同鵝肝🤤🤤🤤 好有中西合璧既感覺💕第一道前菜，沙律配藜麥，呢一個健康組合我最鍾意，藜麥有點硬身嘅口感，配上沙律一齊食感覺好夾，除此之外仲有青瓜以及番茄等等嘅配菜，沙律都唔錯喎！鐵人旨花嘢食嘅價錢其實都比較高，不過除咗有質素保證之外，呢度最特別嘅賣點係只要你食鐵板燒，廚師會直接係你面前煮嘢食，又送上枱面之前嘅所有步驟都會係你面前日日為你送上，呢一個給睛既景象相信有唔少女仔都會好鍾意（包括我在內🤣）日本北海道鮑魚，呢個鮑魚實在大得有啲過分！佢嘅size感覺就好似一隻青邊鮑一樣咁大，不過佢係新鮮嘅，有廚師放喺鐵板燒開始處理佢嘅一刻，就見到北海道鮑魚不停郁動，雖然有點殘忍，但係又忍唔住係咁望😂😂😂 因為喺北海道出產關係，海水污染程度比較少，所以令佢嘅內臟，所有嘅嘢都可以食落肚，內臟嘅
之前曾經有機會可以食到佢，最後因為某D事情發展最後冇黎到，星期五晚上來到餐廳，人客唔算多，主要以一對對情侶為主，而且呢度主打嘅美食係鐵板燒，感覺上環境清幽，好適合情侶喺呢度慶祝節日！
鐵板燒套餐有好幾款，揀選之下最後揀咗一款最貴嘅套餐，呢款套餐最特別嘅係超大隻日本鮑魚同鵝肝🤤🤤🤤 好有中西合璧既感覺💕
第一道前菜，沙律配藜麥，呢一個健康組合我最鍾意，藜麥有點硬身嘅口感，配上沙律一齊食感覺好夾，除此之外仲有青瓜以及番茄等等嘅配菜，沙律都唔錯喎！鐵人旨花嘢食嘅價錢其實都比較高，不過除咗有質素保證之外，呢度最特別嘅賣點係只要你食鐵板燒，廚師會直接係你面前煮嘢食，又送上枱面之前嘅所有步驟都會係你面前日日為你送上，呢一個給睛既景象相信有唔少女仔都會好鍾意（包括我在內🤣）
日本北海道鮑魚，呢個鮑魚實在大得有啲過分！佢嘅size感覺就好似一隻青邊鮑一樣咁大，不過佢係新鮮嘅，有廚師放喺鐵板燒開始處理佢嘅一刻，就見到北海道鮑魚不停郁動，雖然有點殘忍，但係又忍唔住係咁望😂😂😂
因為喺北海道出產關係，海水污染程度比較少，所以令佢嘅內臟，所有嘅嘢都可以食落肚，內臟嘅位置相對比鮑魚既肉鹹，而且質感亦都同鮑魚唔同，咬落口比較軟身，而鮑魚肉質非常彈牙有質感，超新鮮！
食完呢個冇耐，鵝肝呢個主角就要出場啦！每一道菜式經過廚師給一雙巧手都做到好精緻，尤其是裝飾方面，令到成個菜式賣相更加好～
紅酒煎鵝肝 - 講真的！我同男朋友一向對於鵝肝都唔係「十分好」，會食但又唔係成日食，唔會鍾意到好似食法國餐或者西餐都會叫，不過呢度嘅鵝肝俾我哋嘅感覺同一係食開嘅味道完全唔同，紅酒味其實唔太突出，厚切鵝肝放喺多士上面，食落真係好邪惡！
鵝肝既濃郁味唔似一般喺出邊食開咁濃烈，相對地覺得佢嘅味道係好平和，配上側邊嘅紅酒汁🍷味道層次多左，但兩者又配合得好好，唔點好食，點左都好食，因為係兩種唔同既味道，就算係一個人食晒成舊鵝肝都唔會覺得好膩口～ 超愛呢個紅酒煎鵝肝🤤🤤🤤
餐牌上面有一個特別菜品，係因應每一日嘅食材而作出調整，今日嘅菜品係忌廉白蘆筍，白蘆筍既味道同普通嘅蘆筍有啲唔同，男朋友食到有點回甘味道，而我反而食唔出，反而覺得佢有少少甜，但又唔係好明顯～相信係因為用忌廉煮成既效果。
熊本縣A5和牛肉，日本唔同產地出產嘅和牛都有唔同嘅分別，而今次食嘅熊本縣A5和牛，我哋揀咗三成熟，內裏嘅肉質保持到粉嫩色，雖然係A5和牛，望落去脂肪分佈都幾多，開頭仲會以為食落去會好油膩，不過因為用鐵板燒嘅關係，有部分油脂會揮發左，嫩嫩既和牛肉食落去好有牛肉嘅香味，最重要係完全唔會覺得肥，厚切之外而且份量都好足夠，食完呢個就會明白點解香港人咁鍾意食日本嘅和牛👏🏻👏🏻👏🏻😃
清酒雞湯，呢個係一個着晒火嘅表演！因為有清酒嘅關係所以鐵板燒上面會形成火團，最後亦都因為清酒揮發晒所以唔會覺得有酒味，而呢個雞湯入邊亦都有帶子，帶子只係整左幾秒竟放入湯內，半熟狀態好好食
最後為我地送上嘅就係呢個和牛炒飯，呢個炒飯好友鑊氣，炒到一粒粒金黃色，調味方面亦都啱啱好，食到呢個炒飯我都已經飽到唔可以再食嘢啦！
雖然食到好飽，不過原來仲有一個甜品，我又點會錯過呢個環節呢，今日有幾款雪糕提供，最後冇揀到雪糕反而揀咗柚子雪葩，柚子味好清新嘅感覺，而且因為係雪葩識落比較輕盈，好中意呢個甜品啊♥️因為係慶祝節日所以先至有機會嚟到呢間餐廳，希望下一次再有機會黎呢度食啦😆😆😆 超滿足嘅一個晚上
Post
