Video
Read full review
2010-03-18
47 views
16-3-2010第一次嚟覺得超好食 (http://www.openrice.com/restaurant/commentdetail.htm?commentid=1973971), 不過之後再嚟已覺得差了少少 (http://www.openrice.com/restaurant/commentdetail.htm?commentid=2028298), 點知今晚 (第 4 次) 再嚟, 離開時竟然皺晒眉頭... 係佢水準飄忽? 還是愈來愈唔掂?主食叫了「單點」的吉列蠔, 及「單點」的冷烏冬:冷烏冬如常用木盒 serve, 不過好濕, 而且食落完全唔覺得煙韌, 配上唔夠甜又唔夠鹹的麵汁 (配套仲要係薑蓉及蔥花, 無 wasabi 的? 唔太喜歡), 勁掃興喎. 吉列蠔炸得唔油膩, 咬落尚算酥脆, 但炸皮厚到呢 中間的蠔肉就少 / 細到阿媽都唔認得, 食唔到蠔味喎 On the side 的梅子醬汁 (?) 可幸夠酸香, 不過質地有點稀, 唔算好喜歡.朋友食吉列雞扒蓋飯 + 盒子蕎麥麵... 蕎麥麵同烏冬一樣唔煙韌, 唔覺麥香, 不過配套就有 wasabi 及蔥花, 比起烏
第一次嚟覺得超好食 (http://www.openrice.com/restaurant/commentdetail.htm?commentid=1973971), 不過之後再嚟已覺得差了少少 (http://www.openrice.com/restaurant/commentdetail.htm?commentid=2028298), 點知今晚 (第 4 次) 再嚟, 離開時竟然皺晒眉頭... 係佢水準飄忽? 還是愈來愈唔掂?
主食叫了「單點」的吉列蠔, 及「單點」的冷烏冬:
冷烏冬如常用木盒 serve, 不過好濕, 而且食落完全唔覺得煙韌, 配上唔夠甜又唔夠鹹的麵汁 (配套仲要係薑蓉及蔥花, 無 wasabi 的? 唔太喜歡), 勁掃興喎.
吉列蠔炸得唔油膩, 咬落尚算酥脆, 但炸皮厚到呢 中間的蠔肉就少 / 細到阿媽都唔認得, 食唔到蠔味喎 On the side 的梅子醬汁 (?) 可幸夠酸香, 不過質地有點稀, 唔算好喜歡.
朋友食吉列雞扒蓋飯 + 盒子蕎麥麵... 蕎麥麵同烏冬一樣唔煙韌, 唔覺麥香, 不過配套就有 wasabi 及蔥花, 比起烏冬的我較喜歡呢個; 吉列雞扒炸皮鬆化脆口唔油膩, 雞肉就夠嫩滑, 比我的吉列蠔好得多! 下面 d 飯就無米香又濕濕軟軟, 都幾削, 食剩唔少.
甜品又叫了雞蛋布丁配醬油風焦糖... 布丁蛋香輕輕的,「醬油風焦糖」亦幾香甜, 不過完全被紅豆搶晒風頭, 真係 話雖如此, 其實成杯嘢最好食係 d 紅豆, 粒粒肥大飽滿, 又「沙」又香甜, 我覺得還不錯, 唔喜歡紅豆的朋友就唔收貨了.
食物退步不少, 招呼就由第一次的「值得一讚」跌至第二次的「麻麻哋」, 再跌至今日的「不知所謂」-- 店員們十問九唔應, 態度帶點寸及「唔想理你」, 而且唔知點解埋張單要埋咁耐, 都幾氣結.
每人丟低 $105, 離開時除咗 mung 及失望之外, 亦十分無奈, 估唔到佢成了「開飯熱店」候選餐廳, 我反而要將佢從「心水餐廳」剔除!
Post
