愛吃家常便飯 (Closed)

招呼由澳洲返黎，食慣西餐餓左好耐中餐嘅朋友，當然要俾D心機搵D好嘢食啦，今次就試下呢間，見到餐牌裡面好多餸都想點，可惜得三個人食唔到咁多， 唯有等下次啦，結果點左以下菜式:杏汁白菜蝴蝶腩豬肺湯以砂煲上檯，侍應立即端上湯及湯渣，先聞到好濃嘅杏汁香味，湯好飲好甜，豬肺煲得好淋，因為喺屋企都難吃到豬肺，結果我哋連湯渣都食曬，哈!FUSION HIGH TEA拼盤呢個拼盤最啱又貪心樣樣都想試既我哋，拼盤第一層係醬爆墨魚丸，以為都係一般既炸墨魚丸啦，原來裡面係芝士醬，好好味，墨魚丸好彈牙，再試第二層 -炸魚塊(士多啤梨醬)，食得出魚柳唔係平野，好新鮮，唔係用面粉造既，士多啤梨醬好特別，聽講係店內秘製，果然好香，同魚塊好配合，第三層是蓮藕餅， 有D失望，因為馬蹄多過蓮藕，個餅太薄，冇左一粒粒蓮藕嘅口感。蝦禾米炸子雞可以用四個字形容 - 「皮脆肉嫩」，裡面嘅炒飯好香夠味，估計係吸收左雞油，果然係呢間舖既招牌菜，隻雞都幾大，三個人食唔曬，唯有打包啦!酥炸生蠔生蠔大隻又新鮮，再配埋生菜，食多隻都唔覺肥膩，食慣海鮮既澳洲朋友都讚。蝦干炒雜菜食得太多煎炸野，都應該食D蔬菜，比起其他菜式，只屬一般，不過鑊氣唔