愛吃家常便飯 (Closed)

上星期六一家四口出了銅鑼灣行誠品,因銅鑼灣的食店在晚飯時間都要等位，所以行了去灣仔方向，經過這間叫家常便飯的小店,見環境都幾舒服又有位就入了去試下，店員好熱情地介紹餐廳的招牌菜。因我的兩位囡兒很喜歡食雞，我點了沙薑雞，家鄉蓮藕餅，酥炸茄子及粉絲雜菜煲來送飯。我要讚一讚此店的沙薑鷄，鷄件多肉也好嫰滑，沙薑雞是用沙薑粒煮，已不是普遍的用沙薑粉，好有味道，小朋友都好鍾意食！家鄉蓮藕餅賣相普通，不太油，味道不過不失。家鄉蓮藕餅賣相普通，不太油，味道不過不失。酥炸茄子炸得幾香口，但又唔算炸得好勁，味道幾惹味，小朋友都鍾意食！粉絲雜菜煲，裏面有雜菜及雜菇，清清地，都OK。食完飯後仲有綠豆糖水送，但味道淡了一點。我覺得此店的食物及環境都不錯，店員服務很親切，一家四口食了$300，價錢都可接受！下次出開銅鑼灣都會考慮再來！

因為Sogo Thankful Week, 所以同老公去咗銅鑼灣區, 先去揾地方吃嘢, 再去血拼, 記得之前朋友推介過謝菲道一間叫"家常便飯"菜館, 於是先去醫肚, 星期六晚去到, 等了大約3分鐘就安排到2人枱給我們 !侍應熱情地帶飯我們入座, 介紹我們試試他們特色小菜: 1) 火焰蕃茄  (賣相頗特別, 在別家菜館未曾見過), 侍應會先用火槍燒蕃茄皮, 外熱內凍, 口感不錯2) 辣酒煮東風螺  (愛辣人士必試, 啱晒我啲食重口味之人), 汁調得惹味, 我一人都食咗10多粒, 而且洗得乾淨, 完全冇沙, 一讚 !3) 酥炸茄子 - 這個也是炸得相當脆口, 作為餐前小食或佐餐一流4) 生炸排骨 - 醬汁調得不錯, 排骨肉滑5) 熱情果特飲 另外, 叫咗紅米飯佐餐, 他們這間店推廣健康少油, 冇味精小菜, 所以也相應提供紅米飯這些健康之選, 總括而言, 今次用餐, 食物和環境質素都不錯, 價錢都是大眾化價錢, 下次過來香港區吃飯又多一個選擇 !

星期六短週一家幾口瞓晏咗, 附近茶仔已過早餐時段, 再行多一條街到謝斐道，經過間叫家常便飯的小店，店員隨即問我哋試吾試吓，就入咗去了。佢地有個星期六及假期午市套餐，點了招牌炸子雞(半隻) 、菠蘿咕嚕肉、小炒皇同沙茶金菇肥牛。小菜味道不錯，特別是招牌雞，炸鷄皮脆肉嫩。菠蘿咕嚕肉酸酸甜甜好開胃，其餘兩碟亦炒得出色，食得出係即炒的。這裡午飯除了有茶，套餐還包了玉米羹同白飯，飯後仲送西米糖水。老公同我嘆茶、兩個仔用wifi 上網，店長仲來同阿仔傾兩咀，一如其名家常便飯，有家的感覺。最重要係埋單二百幾，响銅鑼灣灣仔一帶，用咁既價錢有咁既服務同質素，可以用價廉味美來形容，Brunch 新去處，一定會再嚟。

尋晚收工同幾個同事諗住食吹下水, 由於打風又落住雨, 咁啱經過呢間小店, 無諗太多就入咗去. 店內環境唔錯, 可能時間尚早, 人客唔多.餐牌選擇都算多, 一時唔知點咩, 店長話是日廚師推介嘅海鮮係即日喺香港仔運過黎, 我哋即管試下.油鹽水花甲: 大大碟, 味道不錯, 肉質夠肥美, 可以encore.椒鹽瀨尿蝦: 初頭有啲猶豫, 無諗過喺呢種小店食瀨尿蝦, 但估唔到瀨尿蝦新鮮彈牙, 惹味香脆, 竟然食到大排檔嘅風味, LIKE爆杏汁白肺湯: 店長話係招牌, 成窩湯奶白色, 杏汁味濃, 值得一試.金銀蛋浸時蔬, 味道不過不失. 唯一美中不足係個海帶綠豆糖水淡咗啲, 怕甜嘅朋友可能會鍾意.銅鑼灣區黎講, 呢間店價錢唔算太貴, 食物, 服務員好nice, 靜靜地可以傾下計, 會再來

和幾個女仔朋友去咗間叫家常便飯的小店晚餐，間店地方整潔並有柔和音樂都幾舒適。 3人一坐下，店員細心地奉上熱茶，茶具是傳統的公雞圖案，LIKE ! 先點了芥末拌雞絲，入口陣陣芥末香味但食落又不辣都幾特別味道亦不錯，值得推薦呢。 九肚魚炸得金黃很脆很香之餘，仍能保存魚入面嫩滑，正 ! 當然少不了佢既招牌杏汁白肺湯，杏汁味很重，湯清甜而不油膩，果然是招牌: 亦ordered 咗佢既鑊仔咸菜煮鮮魚，個湯底胡椒味夠濃，魚肉亦好滑，都幾好，但個人認為個湯略為辣D，建議胡椒可以不全部開花。再叫咗鮮竹銀杏浸菜苗，我朋友喜歡呢碟，佢話湯味夠濃，我哋並叫咗紅米飯來送餸。飯後仲有糖水送，個糖水不是太甜，正合意因我最怕糖水太甜。總括嚟講，呢餐味道都不錯，有機會會再來。

放工後同老公經過，想食下簡單屋企飯，就去了這間餐廳。 2人坐下，環境不過不失。老公鍾意香口野即時叫咗個黃金脆豆腐，份量不多做餐前小食剛好，豆腐外面脆內面好滑，ok喎，值得推介。我就叫咗個豉汁豆腐蒸海魚，蒸得剛好熟，原來佢用豆腐放魚下面一齊蒸，豆腐吸了味還不錯。另外叫咗個窩燒芥蘭，芥蘭抄得幾香口，老公大讚。之後仲有糖水送，糖水不太甜， 整體Ok呀  ! 他們推廣少油、 少鹽 、無味精，正合我心意! 好啱我哋鍾意住家飯又懶煮懶洗嘅無飯夫妻。

和幾個女仔朋友去咗間叫家常便飯的小店晚餐，間店地方整潔並有柔和音樂都幾舒適。 3人一坐下，店員細心地奉上熱茶，茶具是傳統的公雞圖案，LIKE ! 先點了芥末拌雞絲，都幾特別味道亦不錯 ; 九肚魚也很脆很香呢。當然少不了佢既招牌杏汁白肺湯，杏汁味很重，正 ! 亦點了佢既鑊仔咸菜煮鮮魚，個湯底胡椒味夠濃，魚肉亦好滑，都幾好。再叫咗鮮竹銀杏浸菜苗，並叫咗紅米飯來送餸。 飯後仲有糖水送。總括嚟講，味道都不錯不錯！

虽话家常便饭，一入来发觉价钱一点都不家常，最平都要88蚊，其他有肉的话，都100以上。但小菜分量不大，2个人点2个菜，勉强吃饱。点着一个紫薯山药鱼腐，味道一般，好淡味，鱼腐同超市买的差不多，紫薯有少少不新鲜，有点酸味。店里招牌火焰排骨，其实就是淋着点玫瑰露，排骨好老，咬不动，坚果一点味道都没，不好吃。最后送了糖水，生姜番薯，都算ok。服务一般，食饭时，隔离张台坏着，2个服务员就不理我的都在食紧饭，搬起张台整，讲话好大声湾仔铜锣湾好多店食野，这个价位味道同服务，应该不会再来，都不推荐大家食。

陪老媽吃午餐，正好覺得這家招牌雞不錯，就來了。提前定位，不用排隊。服務不錯，點了招牌雞、芥蘭牛肉和魚香茄子煲。味道都不錯，老媽和我都覺得讚。特別是招牌雞，很脆很香。午膳之前和之後會送上玉米羹和紅豆沙，免費的哦，也很好味。總之都還不錯。只是在埋單時，被告知不能刷卡，有種不太好的感覺。明明是可以有刷卡服務的，為何不願意使用？說是壞了。我來這家吃了三次，有兩次都是壞的。希望商家能調整一下。這也是客戶體驗的一大部分哦。

今日跟同事一起在這裡午飯，我選擇了「炸菜蒸鰽魚」。套餐蒸魚只有半條，亦似乎過熟了點，令肉質有一點霉，但還算可以，至少在午飯時間，以$45價錢吃到蒸魚，已經相當不錯。順帶一提，這裡午飯套餐還包了一杯中國茶、一碗湯，今天的湯是煲紅蘿蔔瘦肉，夠濃味、夠甜、足料，應該有不少味精吧~另外、兩人或以上的話，更是一壼茶加一人一隻茶杯，很有茶居午飯feel。

台灣朋友來參展，所以相約在灣仔一聚。朋友指定要試試本地菜，揀左一輪，見到呢間「愛吃家常便飯」，感覺不錯~餐廳有點難找，處於灣仔與銅鑼灣之間，大概是一蘭再往灣仔方向行過一點。附近也有少量其他食肆，但主要是商住大廈區，是晚上都沒什麼人經過的後街。閒日7點左右，順利唔駛等即刻入座。餐廳有提供晚餐套餐，包了一些貴價菜色(一口鮑魚之類)，但我們想食地道菜不是要豪食嘛，所以只考慮散叫。首先大家一齊看中了家鄉藕餅和老火湯。之後再點了一個斑塊炒荷蘭豆、炒飯、咕嚕肉，都算是比較common的菜式。茶具是傳統的公雞圖案...老火湯，足料夠味。試這個也夠，不用試太貴的湯。斑塊炒荷蘭豆，有黃椒紅椒一起炒，五顏六色感覺很健康，斑塊肉質比想像中結實，真的是用了石斑魚，不是龍脷柳啊期待的家鄉藕餅!!味道調得很好，不會太咸，只是太油了一點，吃一塊都飽了(雖然大家都忍不住添吃)。蛋白炒飯，炒得夠爽，主要是用來送之後的咕嚕肉~哈哈~~咕嚕肉，以菠蘿殼上碟，有大大塊菠蘿，但肉量就較少了啊....總評: 食物質素算中等，不過D侍應有時嗌極都唔黎，價錢又偏貴(可能佢地用料比較好吧)，所以試過就算了~~有外國朋友黎，又係灣仔附近

加班放工後突然想叫餸食飯，找到灣仔有間叫家常便飯，試試看 ！入內剛好淨番張二人檯，但其實有基本餐具後，如果叫兩個餸加飯，張檯已經無乜位餐牌有單點項同套餐，套餐有9折兼有現金劵，如果啱食應該抵D套餐有2人餐（＄428），4人餐（＄888）同8人餐（＄1788）；2人餐內有：日式磯燒鮑魚、鷓鴣蟹肉燴燕窩、XO醬翡翠炒斑球、當紅炸子雞（半隻）、甜梅菜煎肉餅、紅米飯或白飯；唔想食燕窩，所以決定散叫。幫我落ORDER的是位男侍應，我估佢應該係話得事嘅，落完晒ORDER後，佢轉個頭幫我地改去後方兩張拍埋一起的二人檯坐。無乜時間自己煲湯，唯有靠外... 先來杏汁蝴蝶腩白肺湯一煲（餐牌內話係〔招牌菜〕兼 需要預訂，但WALK﹣IN散叫都有喎）杏汁蝴蝶腩白肺湯（每煲148）杏汁蝴蝶腩白肺湯料一開煲蓋.... 居然沒有飄出陣陣杏味一睇湯嘅顏色，可知杏汁有多少了；再試入口.... D湯好淡，感覺似加水開稀咗咁，真係唔明點解會係招牌菜蕃茄湯浸雪耳時蔬 ～ 蕃茄湯唔似用鮮鮮茄煮出來，嚐到茄汁嘅味道 乾果火焰冰淋醬排骨〔招牌菜〕 ～ 有位阿姐放低碟餸，即刻將一小碗透明液體淋上錫紙（液體已好快漏晒去底），再拎起支火

喜出望外喎。199團購餐估唔到又幾好，等我占續點寫出黎1， 情人節都訂得台，又一早打電話來幫我落訂單，好細心2，前菜(2份)，湯(2碗)，半隻雞，2款小菜，加布甸做甜品，份量足，味道唔可以話超正，但都幾好: 1，芥末拌雞絲 ，不好味，其實可以唔要的。2，杏汁蝴蝶腩白肺湯，正!有家的感覺，好好味。3，鑊仔咸菜煮海魚，咸菜太咸，不過胡椒味好濃，個湯底好正，魚肉比較淡，都幾好。4，窩燒芥蘭，普通。5，炸子雞，正，皮脆肉滑，值得推薦。6，布甸，佢話係home made, 都一般，值得一讀不太甜整體very good

由同事推介走去一試，可能時間尚早所以不用等位。坐位不算擠迫，地方整漯。3個人一坐下，店員即送上熱湯。隨即點了炸子鷄、蒸海上鮮及星洲炒米。炸鷄皮脆肉嫩，魚蒸得剛剛好、米粉亦炒得出色，相當乾身。飯後還有糖水，但味道奇差。但總括嚟講，真的不錯哬！

三五成群，到朋友介紹到灣仔謝斐道近鵝頸橋一試家常便飯晚8時半見舖內滿座，等了約15分鐘有位店長笑容滿面，介紹以下不得不寫之小菜梅菜煎肉餅，超級like ,梅菜味濃，肉餅煎得超香，每件份量足，食洛特別野味開胃魚肉花枝丸，夠哂爽口彈牙，入面仲有粒龍眼肉，味道特別鍋燒蝦干炒芥蘭，又一野味之選，最緊要係食得健康，少油，芥蘭夠嫩夠新鮮乾蒜片和牛，牛味濃，一d都吾靭，加支啤酒，一支棒山药黃金蝦，5星級評分，因蛋黃味夠但不太多蛋黃，蝦大隻夠爽，夠大隻杏汁豬肺湯，超重杏汁味，湯甜而不油總結，不油，新鮮，健康，近排好懶，但不能不寫