8
0
4
Level3
76
1
我今晚試咗好多嘢
2015-02-26 3689 views
同啲人過第一個情人節就點都要俾多少誠意。啲人鍾意日本嘢，尤其係日本西嘢。日式洋食歷史久遠，自明治維新後，日本學習西方事物，當時認為西方食物係令西方人體魄魁梧的主因，故於國內大力推行。到二次大戰後，人民生活改善，洋食亦開始普及。洋食混合咗日西烹調技巧同食材，成為自成一格嘅料理，洋食並唔係西方菜，係不折不扣嘅日本食品。歷史課上完啦，講番正經嘢先。香港洋食店唔算多，街知巷聞嘅都係商場，日式百貨內出名嘅連鎖店，價錢中下，質素參次，而且都係食完就走嘅格局，要响香港搵間好食嘅洋食屋，配番枝餐酒扮high class真係唔易。其實情人節套餐一向都係吸金，食唔到啲好嘢，又冇得選擇。不過Hal's 就冇咁衰，二人前$888，規定咗刺身盛，omu-hayashi 同甜品鮮果撻，再包自選a la carte 前菜主菜各一。餐牌選擇多，而且各有特色，用料騷刁鑽，樣樣聽落都幾好食咁，仲有好多我未試過嘅煮法，一個前菜又點可以滿足我哋試新嘢嘅慾望呢。仲有chef special，季節限定，全部都係上盛食材，每日由日本空運到港。結果我哋要多咗個前菜，一份生蠔，一份天婦羅，加多枝清酒。先講酒水，本應想飲枝$720嘅，冇
Read full review
同啲人過第一個情人節就點都要俾多少誠意。啲人鍾意日本嘢，尤其係日本西嘢。日式洋食歷史久遠，自明治維新後，日本學習西方事物，當時認為西方食物係令西方人體魄魁梧的主因，故於國內大力推行。到二次大戰後，人民生活改善，洋食亦開始普及。洋食混合咗日西烹調技巧同食材，成為自成一格嘅料理，洋食並唔係西方菜，係不折不扣嘅日本食品。
歷史課上完啦，講番正經嘢先。香港洋食店唔算多，街知巷聞嘅都係商場，日式百貨內出名嘅連鎖店，價錢中下，質素參次，而且都係食完就走嘅格局，要响香港搵間好食嘅洋食屋，配番枝餐酒扮high class真係唔易。
682 views
1 likes
0 comments
 其實情人節套餐一向都係吸金，食唔到啲好嘢，又冇得選擇。不過Hal's 就冇咁衰，二人前$888，規定咗刺身盛，omu-hayashi 同甜品鮮果撻，再包自選a la carte 前菜主菜各一。餐牌選擇多，而且各有特色，用料騷刁鑽，樣樣聽落都幾好食咁，仲有好多我未試過嘅煮法，一個前菜又點可以滿足我哋試新嘢嘅慾望呢。仲有chef special，季節限定，全部都係上盛食材，每日由日本空運到港。結果我哋要多咗個前菜，一份生蠔，一份天婦羅，加多枝清酒。
錦藏舞
$980
130 views
0 likes
0 comments
 先講酒水，本應想飲枝$720嘅，冇貨唯有要枝$980啦。錦藏舞 - 味微酸，入口淡麗，有花果香，冇大吟嚷嘅醇厚甘甜，卻有層次分明，清爽嘅口感。雖然$980係有啲overprice, 不過美酒佳餚冇計啦。
帶子大根沙律
$150
147 views
2 likes
0 comments
 帶子大根沙律 - ponzu dressing (柚子醬油沙律汁)跟帶子鮮甜匹配，帶子爽滑，表面輕輕灸燒過，特顯甜味。大根切成粗條，爽脆清新，完全唔苦，冇筋，微辣，極清甜，每一咬都感受到大根多汁清爽嘅快感。
三文魚他他
$150
121 views
2 likes
0 comments
 三文魚他他配牛油果 - 他他整體室溫，唔會凍冰冰，令食味更佳。三文魚肉軟滑唔霉，牛油果粒成熟香滑，與三文魚乃天作之合。淡醬油漬三文魚子，味醂嘅甜，加魚子嘅海水味在口中爆發，食後滿口三文魚香。值得一提係個柚子橄欖油，柚子當然係日本yuzu，淡淡清香滲入橄欖油，有啲似陳皮嘅香味淡麗版，將整碟菜加添層次，再配合粉紅胡椒獨特嘅香味，呢個他他一定可以俾你味覺多重刺激。
刺身盛
64 views
0 likes
0 comments
 刺身盛 - 雖然冇咩特別，都係大路嘅吞拿魚，鯛魚，甘蝦，魷魚，勝在新鮮，鯛魚完全冇筋，甘蝦膠多膏甜唔腥。不過話哂二人前，份量可以大份啲啫。
長崎蠔
$100
87 views
2 likes
0 comments
長崎蠔
$100
98 views
1 likes
0 comments
 長崎生蠔 - 蠔肉爆滿，足三寸長，入口爽甜。有別於歐洲美國蠔，呢隻蠔唔係講海水味，鹽味，礦物味，單講甜味餘韻爽口就已經贏哂，點埋ponzu sauce更顯鮮味。
春野菜天婦羅
$120
135 views
4 likes
0 comments
春野菜天婦羅
$120
110 views
4 likes
0 comments
 春野菜天婦羅 - 呢個勁，佢啲野菜唔好話食，連見都未見過。好明顯係日本山菜，菜味好濃。雖然係一堆有炸皮包住嘅青色嘢，但係賣相絕不遜色。由左邊果朵類似花嘅到右邊果條捲曲嘅菜，都有刻意編排。朵花最甘苦，捲菜最甘甜似蘆筍。隨天婦羅有一小碟鹽，洒上天婦羅調味。唔知到邊邊食起，各種菜都有獨特香味，其中果朵花最難忘，第一次食到呢個味，花芯偏苦，唔係個個人鍾意，不過我保證你唔係經常食到呢啲菜，呢啲味。炸皮輕身鬆脆，唔會同菜分離，皮脆甘香，就知用油講究，炸功了得。
八丁味噌汁吉列牛扒
81 views
0 likes
0 comments
八丁味噌汁吉列牛扒
411 views
3 likes
0 comments
 八丁味噌汁吉列牛扒 - 吉列乜扒大家都食唔少，吉列牛扒就唔係間間敢做。原因好簡單，因為唔易掏好，火喉控制難，要炸得熟又唔韌，冇番咁上緊功力就等於浪費食材。呢度嘅吉列牛排軟嫩，牛味雖然不足，皮唔夠脆，但肉質搭夠，肉汁多，連麵包糠都散發陣陣香味。秘製醬汁加入名古屋特產八丁味噌，味濃且甜，帶微酸，入口豐厚，配搭創新，勇氣可加。
Omu-hayashi
139 views
1 likes
0 comments
 Omu-hayashi - omurice蛋包就係人都識，加hayashi sauce 嘅就唔係個個知係咩。hayashi 其實係日人版嘅hashed beef，類似法國紅酒燴牛肉，主要用紅酒，洋蔥，甘荀，香料燴牛柳粒，再加入Demi-glace令汁料口感味覺大大提升。Demi-glace係用大量蔬菜，蕃茄，牛骨，香料放入已預先餚好嘅牛骨濃湯，再煮十多小時濃縮造成，單係個汁已經花不少人力物力。demi-glace 味甜帶酸，有丁點焦香，層次複雜，酸甜嘅蕃茄蛋包飯跟demi-glace可算絕配。炒飯本身冇咩特別，但佢哋用嘅茄汁偏甜，少醋味，蕃茄味鮮而特出。唯一問題由於情人節關係，個飯係心形咁上，導致蛋皮偏厚，難以做到軟滑流心。要食到近日瘋傳嘅流心蛋包飯，怕且要再去食番個普通日常版。
鮮果撻
96 views
0 likes
0 comments
 鮮果撻 - 除咗撻皮偏實，冇黎聞味，鮮果係新鮮之外，冇咩好講。

講下啲服務，當晚座無虛席，40個客人，樓面得經理，櫃面同一個侍應，另一個侍應要幫手plate up，每個人包括經理都奔波勞碌，可惜人手不足，未能達致服務超卓，但仍可見各人盡力做好崗位，忙碌中依然對客人笑容親切，經理好有耐性咁同客人介紹菜式酒水，值得加許。臨走時仲有情人節照相服務，倍感甜蜜。

埋單連酒水$2400，唔計酒水每人$700，食咁多好嘢喎，唔算貴。如果想身處香港，又要食到高水準有創意，誠意十足嘅洋食，Hal's 一定唔會令你失望。餐牌有咁多好選擇, 我已經準備再去食多次。
Other Info. : 最後三句: 老闆請人啦，想做死啲夥計咩!! 。 較暗啲燈，情調好啲，高級得黎有溫情，襯番食物嘅水準。 唔好再用啲唔食得/唔好食嘅裝飾伴碟，得個靚字而同菜色味道唔夾嘅，係唔應該响碟上面嘅。
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
5 Recommended
    Post
    DETAILED RATING
    Taste
    Decor
    Service
    Hygiene
    Value
    Date of Visit
    2015-02-14
    Dining Method
    Dine In
    Spending Per Head
    $1200 (Dinner)
    Celebration
    Valentine's Day
    Recommended Dishes
    錦藏舞
    $ 980
    帶子大根沙律
    $ 150
    三文魚他他
    $ 150
    長崎蠔
    $ 100
    長崎蠔
    $ 100
    春野菜天婦羅
    $ 120
    春野菜天婦羅
    $ 120
    八丁味噌汁吉列牛扒
    八丁味噌汁吉列牛扒
    Omu-hayashi
    • 三文魚他他配牛油果
    • 長崎生蠔