豪記

Open Now

Now Closed

今日諗唔到食咩，係公司附近兜吓，睇吓有咩食，行到一間店前，聞到好香的一陣黃酒雞味，停左落嚟，周圍望，邊到咁香，望真啲，原來有間食店係到，佢同間麻雀館黐埋一齊，門口好窄，好唔起眼，我係呢頭返左兩年工都唔覺有呢間野。講返食物，好好好好好味！好足料的黃酒雞，蒸發完啲黃酒之後個湯超級甜！好少地方有獅蚶食，仲要係好食嘅，原來我公司附近已經有！正！仲有個辣子田雞，送酒無敵，炸得夠透夠脆，仲要好入味！溫馨提示：記得book位，同埋製作需時，唔係快食地方，真係要有咁嘅時間邊等邊食，因為上菜真係好慢。不過三五知己飲下啤酒，咁就唔會覺。