Villa 26

Open Now

Now Closed

今次黎到尖東一間好有情調嘅餐廳，座位除咗室內，仲有室外，室外座位可以飽覽維港景色，冬天天氣凍備有暖爐，唔洗驚凍親。今次揀咗個以黑松露為主題嘅套餐，每道菜式都以黑松露入饌，黑松露迷有福喇！黑松露二人餐黑松露龍蝦牛油果蟹肉天寶及黑松露芝士沙律整個天寶都係滿滿龍蝦肉同埋蟹肉，加埋牛油果粒粒，口感十足，黑松露提升咗龍蝦肉同埋蟹肉嘅鮮味，伴碟沙律新鮮清爽。黑松露野菌湯野菌忌廉湯入口順滑，粒粒磨菇碎，囗感豐富，黑松露味出眾。海膽忌廉汁黑松露片燴意大利飯意大利飯口感偏硬，每粒飯粒都沾滿海膽嘅鮮味，配上黑松露片，散發陣陣黑松露香氣，味道層次感豐富。A4鹿兒島和牛黑松露威靈頓扒威靈頓扒上枱時已切件，外皮金黃酥脆，內裡用火腿包著A4鹿兒島和牛，肉質軟腍，油脂感滿滿，伴隨黑松露嘅鮮香，實在太滿足！黑松露法式焦糖燉蛋法式焦糖燉蛋口感軟滑，黑松露味道濃郁，為這一餐完美的畫上句號。