歷山餐廳

Open Now

Now Closed

我哋又返黎食晚市自助餐啦。因為上次小朋友喺度食得好開心，所以今次想食buffet都再book返呢度。同上幾次比，今次晚市真係多咗好多人，全場滿座，咁就證明咗佢哋已經一洗初初開張時既污名，真心有誠意改進。首先晚市buffet每位會送鮑魚花膠 (之前嗰次係龍蝦)今次嚟到，魚生部份除咗三文魚，吞拿魚，油甘魚，甜蝦外，今次重多咗赤背，同埋帶子，非常新鮮👍🏻. 冷盤仲有生蠔，凍蝦，蟹腳，青口，真係淨係食海鮮都回到本。仲有即叫即煎鵝肝，蒜泥白肉都值得推介。中湯同西湯都依舊出色，羊扒都一定要試。今次仲有蒜蓉粉絲蒸帶子，原條糖醋魚 😋😋😋甜品有好多蛋糕選擇，雪糕係Häagen-Dazs。值得一讚嘅係雖然9:30係last order，我哋9:15出去想攞雪糕，佢哋都仲refill緊 👍🏻最後一題，官網訂buffet有八折，或者如果有人生日，生日嗰位有半價(唔計生日嗰位最少要有四人)。仲有值得一讚嘅係四歲以下小朋友係免費。