王家沙 (Closed)

賣甩老公，同好朋友去食上海菜上海菜中，我最愛的系小籠包，又一城呢一間王家沙真係有細食到大，之前裝修過！ 感覺店面光鮮左！ 因為係星期五晚人流都幾多，我哋要等三張枱先入到，依稀記得平日唔使排隊。一坐低佢就叫我點菜，我哋點左小籠包，炸饅頭，同埋雞絲粉皮！ 小籠包皮薄餡靚！ 多汁濃郁！ 薄都見到入邊啲湯！ 朋友知道我好鍾意食，特登讓我食多粒！ 人生有個真正朋友的確好極！ 雞絲粉皮一如既往地開胃，不過份量比較少，一人一啖已經冇晒！ 炸饅頭新鮮炸起，上台嗰陣已經熱辣辣！ 配上好好味嘅煉奶！ 不過整體感覺已經冇細個食嗰啲咁好味，可能人大左要求高咗！