Video
Read full review
2023-06-12
978 views
📌 金沙小廚 - 紅磡崇潔街12號地舖🗓(11/6) 星期日 ⏰ 晚上7點左右 💈特式：因為呢間小廚我好就腳，所以我去日都會幫襯，最近如果有朋友生日，人數又唔多，我城就會選擇嚟呢度食海鮮，不過有好多海鮮要起碼提早一日訂。🥩🍔🌭🌮🥗🥯🥘🍲🍝🍣🥟🍤🍱食物：今次一行4人，所以叫左個龍蝦4人餐，不過菜單上我就作出左以下更改：-上湯龍蝦個炸麵底改左伊麵底；-清蒸沙巴龍躉改左做豉汁蒸蟶子皇；-另外再額外加左個酥炸椒鹽瀨尿蝦；等我同大家講下🦞🦐🦀味道先。上湯焗澳洲龍蝦(伊麵底) - 呢個龍蝦做得比酒樓好好多，平時酒樓做嘅龍蝦出嚟通常都好韌，呢度做嘅龍蝦就真係可以用爽口彈牙嚟形容，因為係用上湯焗，味道就比較清啖，但就可以易d食得出新鮮龍蝦嘅鮮甜。原盅燉魚翅螺頭湯 - 一人一盅嘅燉湯，好足料，湯頭又消，味道又濃郁。滷水冰鎮鮑魚 - 首先隻鮑魚size都幾大隻，同埋鮑魚呢d比較難入味嘅海鮮，佢都食到有滷水味，佢仲有配埋wasabi嚟食，但佢地個wasabi真係超嗆鼻。豉汁蒸蟶子皇 - 蟶子皇成隻筷子咁長，用左豉汁蒸，而且佢地d豆豉蒜蓉醬入面再加左陳皮，味道更為特別。酥炸椒鹽瀨尿蝦 - d 瀨尿蝦直
🗓(11/6) 星期日 ⏰ 晚上7點左右
💈特式：因為呢間小廚我好就腳，所以我去日都會幫襯，最近如果有朋友生日，人數又唔多，我城就會選擇嚟呢度食海鮮，不過有好多海鮮要起碼提早一日訂。
🥩🍔🌭🌮🥗🥯🥘🍲🍝🍣🥟🍤🍱
食物：今次一行4人，所以叫左個龍蝦4人餐，不過菜單上我就作出左以下更改：
-上湯龍蝦個炸麵底改左伊麵底；
-清蒸沙巴龍躉改左做豉汁蒸蟶子皇；
-另外再額外加左個酥炸椒鹽瀨尿蝦；
等我同大家講下🦞🦐🦀味道先。
上湯焗澳洲龍蝦(伊麵底) - 呢個龍蝦做得比酒樓好好多，平時酒樓做嘅龍蝦出嚟通常都好韌，呢度做嘅龍蝦就真係可以用爽口彈牙嚟形容，因為係用上湯焗，味道就比較清啖，但就可以易d食得出新鮮龍蝦嘅鮮甜。
原盅燉魚翅螺頭湯 - 一人一盅嘅燉湯，好足料，湯頭又消，味道又濃郁。
滷水冰鎮鮑魚 - 首先隻鮑魚size都幾大隻，同埋鮑魚呢d比較難入味嘅海鮮，佢都食到有滷水味，佢仲有配埋wasabi嚟食，但佢地個wasabi真係超嗆鼻。
豉汁蒸蟶子皇 - 蟶子皇成隻筷子咁長，用左豉汁蒸，而且佢地d豆豉蒜蓉醬入面再加左陳皮，味道更為特別。
酥炸椒鹽瀨尿蝦 - d 瀨尿蝦直頭長過筷子，炸到個殼脆卜卜，真係可以連殼都食埋，蝦肉亦好鮮甜，不過瀨尿蝦真係唔多肉食。
鮮蟹肉扒西蘭花 - 西蘭花上淋左好多蟹肉蛋白，清淡得嚟又矜貴。
瑤柱鮮蝦荷葉飯 - 呢個荷葉飯係我食過最好食嘅荷葉飯，首先好香荷葉味，材料又多，仲要蒸完都好乾身，粒粒分明，d飯又入到其他食材嘅味道。
晚市就一向都有糖水送，我就最鐘意食佢地個腰果露，所以我訂枱時特登要求當晚糖水煮腰果露，佢地真係做得比坊間嘅糖水舖仲更加好，好香濃腰果味又唔甜。
🍽環境：餐廳位置唔算多，只有5~6張枱，環境同裝修都比較舊，但都算乾淨企理。另外因為佢地星期六唔開，所以星期五/日正常都full。
🤵🏻🤵🏻♀️🤵🏻♂️服務：老闆娘態度真係一流，樓面得佢一個做到踢晒腳，但佢都keep住好好態度，尤其是對住我呢d街坊熟客，直頭有傾有講。
💰💸價錢：今日4個人食左咁多海鮮，埋單就$1785，為返大約$450/人，雖然唔係話好平，但呢個價錢出面未必搵到咁好食。
🐲💬總結：我因為住附近，所以長期都會幫襯，如果大家嚟幫襯時見到我就打個招呼啦。
推薦指數：❤️❤️❤️❤️❤️(超推介⭐️)
上湯焗澳洲龍蝦(伊麵底)
24 views
0 likes
0 comments
原盅燉魚翅螺頭湯
24 views
0 likes
0 comments
滷水冰鎮鮑魚
26 views
0 likes
0 comments
酥炸椒鹽瀨尿蝦
24 views
0 likes
0 comments
豉汁蒸蟶子皇
21 views
0 likes
0 comments
鮮蟹肉扒西蘭花
18 views
0 likes
0 comments
瑤柱鮮蝦荷葉飯
20 views
0 likes
0 comments
腰果露
20 views
0 likes
0 comments
Post
