麵包新語 & 土司工坊 (Closed)

(21/10/08)真係太鍾意食吐司喇!鐘意到自己都唔相信,一次過可以食咁多野。南洋紅茶、咖央西多、潮州辣蝦米軟麵包(本來呢個係買走的,點知佢無幫我pack,送左上來,忍唔住又食埋)。南洋紅茶,選了+花奶、少糖,「紅茶」比「奶茶」薄身,無咁膩。捨棄奶茶,「健康」少少,這是個good choice。南洋西多做法跟港式唔同,雖然佢都係炸過,但多士面卻好像烘過咁,諗唔到佢點整,外脆內軟,很驚喜。而pet咖央醬好似薯蓉質地,無乜椰子味,不算太甜,都ok既。潮州辣蝦米軟麵包,最忍唔住要食,係因為個包烘過,有點脆口,辣蝦米我形容佢係乾身唔辣既xo醬。夾麵包都幾得意噃。