School Food (Closed)

之前從韓國旅遊回來，對韓國食物印象麻麻。但見雜誌介紹school food 好似幾吸引，都係去試下啦。6:30pm到達，已見好多人等位，立即攞票並要等超過30張枱，於是周圍行一行，7pm回來，只係過左5張枱...7:30pm再來，就剛剛過左，好在都比我補枱。等位期間，宏觀周圍等位人仕，大多是二三十歲韓國打扮的女仕，好有韓國feel.炸雞沙律：炸雞唔太乾，加埋D韓式醬同沙律醬，好野味。平時唔食亁葱沙律，但夾埋炸雞又幾好味喎芝士辣醬年糕：超辣（可能我本身唔係好食得辣），見鄰枱要用杯水過冷河先食...紳士卷：其實係餐肉芝士蛋卷，內裹仲有D甜甜地香醬，size剛剛好，一啖一個，正！