莎巴馬來西亞餐廳 (Moved) New Location

雖然灣仔有很多好好既食店，但這間莎巴係我心目中佔了很高既地位。所以今日帶左個有印尼血統既朋友一齊去食晚飯，希望佢都enjoy la! 首先點了兩杯珍多冰，同出面唔同就係依度既糖係用馬來西亞椰糖，味道清甜又香，點了少甜，對於我來講係剛剛好，唔好咁甜， 一條條綠色的粉條，有點淋但都爽爽的，幾好咬，與椰汁配合。 因為佢地Menu有好多款咖喱，有印度既有馬來西亞有印尼同泰國等，花多眼亂，無主見下，問店員推介左既巴東牛肉配酥餅，酥餅係師傅響廚窗面前即拉同即煎，很鬆軟，有啲脆口。佢個friend原來就係巴東牛肉，夾住嚟食幾好的， 牛肉煮得異常淋身， 味道香甜帶少許辣，非常傑，很入味， 每件都唔係好大件，唔會好膩咁，我地都食得好滋味。 香濃sticky的醬汁興清甜的蘿白糕產生既化學作用盡現放這馬來菜式～雖然唔係好似港式的有咁多蘿白絲，但都夠蘿白味，個醬汁都幾香，煎又煎得香脆，濃濃既醬汁沾滿了蘿白糕既表面，又有很多葱同芽菜一起煎，加上夠矖鑊氣，怎教人不歡喜呢！ 雖然點左唔係好多野，連飯都無點，但都可以飽到一個點。。。食物好唔在講又啱食，都而且有簡單既presentation