Ideas Dessert (Closed)

Ideas dessert食過2次，第一次係荃灣食，第二次係旺角食。第一次食係十分之有驚喜😍！食完一路都想翻去食，到第二次行行下旺角發現又開咗一間ideas dessert所以就入咗去食，點知呢間啲甜品係差一半有多😢到最近去開荃灣區又突然想食翻個芋泥甜品，決定再去找尋小店。細問之下，原來荃灣呢間同旺角果間係分開架！！咁介紹翻我最喜愛既甜品先。芋圓仙草盛 配芋泥($36) 呢個甜品真係食幾多次都唔會厭，媲美康瑞。有仙草，芋圓，小丸子，紅豆，西米，黑珍珠，芋泥。先講我最鐘意既芋圓先，係真係食得岀芋頭味同南瓜味，超級煙韌，煙韌控最愛❤️ 其他食材食落都好唔錯~ 但食哂一個甜品係真係好飽架😂另外三色果檸檬愛玉凍 ($32)都係夏日消暑良物。酸酸甜甜，十分開胃。入面仲有jelly咁既愛玉，好正☺️ 仲有芒果爆珠！香蕉朱古力千酥配豆腐雪糕 ($50) 唔係誇張，但我真係好鐘意呢度既甜品🍮 個酥皮係幾時食都咁脆。而豆腐雪糕都好有驚喜，豆味比岀面食到既更重，然後質感黏黏的，唔會話好冰感，好正😍