Video
Read full review
2022-08-15
1432 views
🚩 陳儀興尚潮樓一直都好鍾意食潮州菜，平時都會約埋啲朋友一齊去打冷～🤤竟然比我搵到一間潮州菜有生醃蟹食，去旅行就話唔敢食驚肚痛，依家嚟到我主場梗係試下啦❣️一入門口已經勁香滷水味，同我阿媽對望左一眼，大家都feel到依間滷水一定好好食〰️〰️〰️〰️〰️〰️〰️〰️〰️〰️〰️〰️〰️〰️〰️🌈魚露浸花甲 $198花甲隻隻都好大隻，一開始以為魚露浸花甲會有浸怪味，但點知食落超級好食，調味啱啱好，唔會鹹又唔會淡😆不過略嫌有幾隻會有沙，不過整體都唔錯🌈生醃膏蟹 $568比我想像中大隻，而且超級多膏～同韓國嗰隻醬油蟹唔同，聽人講醬油蟹一定要送飯食，不過依款潮州生醃蟹就算空口食都好和味，食得出蟹嘅鮮甜～配搭左大量嘅蒜頭芫荽辣椒，香而不辣🤤佢嘅蟹肉好似啫喱咁，一吸就出晒嚟，仲配埋佢哋得調嘅醋，鮮上加鮮，依次嘅生蟹初體驗好滿意😆🌈鵝三寶 $298一入門口已經聞到好香滷水味，點會唔食滷水鵝～鵝三寶就乜都有！先講佢嘅滷水汁，香而不咸，唔會得個死咸冇晒香味🤤豆腐亦都吸滿晒汁，精華所在～鵝腸亦都處理得好乾淨唔會有肥膏，夠晒爽口！鵝肉有驚喜，佢嘅皮下脂肪唔厚，薄薄嘅鵝皮下面就已經係肉，肉質唔柴～鵝肝梗係趁後生食多幾塊，口感棉密，配搭埋佢哋
一直都好鍾意食潮州菜，平時都會約埋啲朋友一齊去打冷～🤤竟然比我搵到一間潮州菜有生醃蟹食，去旅行就話唔敢食驚肚痛，依家嚟到我主場梗係試下啦❣️一入門口已經勁香滷水味，同我阿媽對望左一眼，大家都feel到依間滷水一定好好食
〰️〰️〰️〰️〰️〰️〰️〰️〰️〰️〰️〰️〰️〰️〰️
🌈魚露浸花甲 $198
花甲隻隻都好大隻，一開始以為魚露浸花甲會有浸怪味，但點知食落超級好食，調味啱啱好，唔會鹹又唔會淡😆不過略嫌有幾隻會有沙，不過整體都唔錯
🌈生醃膏蟹 $568
比我想像中大隻，而且超級多膏～同韓國嗰隻醬油蟹唔同，聽人講醬油蟹一定要送飯食，不過依款潮州生醃蟹就算空口食都好和味，食得出蟹嘅鮮甜～配搭左大量嘅蒜頭芫荽辣椒，香而不辣🤤佢嘅蟹肉好似啫喱咁，一吸就出晒嚟，仲配埋佢哋得調嘅醋，鮮上加鮮，依次嘅生蟹初體驗好滿意😆
🌈鵝三寶 $298
一入門口已經聞到好香滷水味，點會唔食滷水鵝～鵝三寶就乜都有！先講佢嘅滷水汁，香而不咸，唔會得個死咸冇晒香味🤤豆腐亦都吸滿晒汁，精華所在～鵝腸亦都處理得好乾淨唔會有肥膏，夠晒爽口！鵝肉有驚喜，佢嘅皮下脂肪唔厚，薄薄嘅鵝皮下面就已經係肉，肉質唔柴～鵝肝梗係趁後生食多幾塊，口感棉密，配搭埋佢哋嘅醋中和返晒😆
🌈老藥桔
係用金桔浸嘅潮州傳統飲品，入口酸酸甜甜，落到喉嚨又有少少藥材嘅回甘。夏天唔開胃飲番杯就一流！
Post
