源記餐廳 (漢口道)

Open Now

Now Closed

香港嘅港式茶餐廳真係好似有種魔力，吸你過去幫襯咁😅一個懶洋洋嘅星期六中午，在尖東散步之際突然被呢間源記餐廳吸咗入去😵一入到去侍應安排卡位，坐得舒服。我隨便叫了一個焗葡汁豬扒飯加一杯我至愛嘅凍檸茶點知真係有驚喜不到3分鐘凍檸茶已經到了，色澤深而不濁，茶底相當夠味又唔會太濃，酸甜度調教得恰到好處👍到主角《焗葡汁豬扒飯》出場，一放低已經香氣撲鼻，再加上焗得金黃，睇見都流晒口水（可能我太肚餓😅）份量適中，葡汁香濃椰汁味突出，豬扒肉味香濃，鬆嫩很juicy又不會太鹹，而且豬扒已經預先切成細件，十分貼心。