芽莊越式料理 (Closed)

友人特別喜愛食越南食物, 假期行完街唔想係銅鑼灣搵食, 我地2個行到灣仔芽莊試下.2個人叫左清浣蒸粉卷, 咖哩牛腩配多士及燒牛肉檬粉本來對於平平無奇既清浣蒸粉卷(即扎肉配粉卷)唔會有太大期望, 因為平時出外食這個菜式總係皮太厚餡少, 但此店個粉卷皮薄帶點煙韌而且餡料豐富, 這一個粉卷做得唔錯.咖哩牛腩帶點辛辣但椰味唔重, 牛腩充份吸收咖哩味道, 牛腩夠厚身肥瘦適烹調時間足夠牛腩肉質夠淋身食時配上香脆既多士十分合拍.燒牛肉檬粉亦係我至愛, 最喜歡係佢地提供大量花生碎, 食時卜卜脆又夠香口, 而燒牛肉夠厚配上炸過香蒜再加埋魚露汁, 2個人食得非常開心.