尚文潮州菜

Open Now

Now Closed

行銅鑼灣，發覺開好多樓上酒樓食市，見到一間尚文潮洲菜，朋友都話想試試樓上鋪，裝修簡潔，光猛，枱與枱之間唔會好迫，坐落好舒服，好高檔，而且唔似其他酒樓咁好嘈☺️先嚟一盤功夫茶開開胃先😀叫3款精美點心，朋友話食潮洲菜要食凍魚先比較正宗🤭服務員又推介一款特色菜，勇哥傳統炒蠔爽☺️潮州粉果，比一般酒樓細，但味道就比其他酒樓好食多，皮薄料足，好香芫荽花生味，好正😊糯米卷，好耐都冇食過，好少酒樓做，好精緻，糯米軟熟，重點係面層面包唔會厚，真正食到糯米嘅香😋芋絲炸春卷，炸好脆，芋頭香又粉，好食🤤 服務員話佢地點心都係師傅即場做，好有心思👍凍魚嚟🤭本來想試烏頭魚，服務員介紹今日條馬友好大條好新鮮，要唔要試試，就要一塊試試好白好滑好鮮美，帶點油香，點潮州豆漿另魚提升鮮美，而且啖啖肉，唔洗擔心有骨，我就唔太喜歡食魚，但真心今日俚舊馬友真係好食😋勇哥傳統炒蠔爽，真係第一次食，好特別喔😍蠔仔都好大隻下，加入菜脯冬菇粒炒，用生菜包住嚟食，好似食生菜包，蠔仔實在好肥美🦪，用生菜包住食，可以減輕肥膩感，這道菜式真係好特別，值得一試。食飽再嚟一盤功夫茶，茶味特別濃，又可以幫助消化。