Video
Read full review
2017-04-17
1028 views
美孚間燉奶佬有段時間幫襯過唔少，不過，近幾年幫襯嘅次數真喺少之有少，無他嘅，感覺佢哋啲水準跌咗，同類鋪頭中佢又唔喺抵食過人，慣咗唔嚟就自然少去。最近，見佢哋又推團購，用$38.5買$50現金券，草草哋買一張同老婆嚟食個早餐！無嚟咁耐，唔知啲水準有無止跌回升，但平時經過都見唔少人嚟食早餐，今日嚟到，唔喺返工日，兼近9:00am先落到嚟，一樣坐到滿，一枱客走，就有另一枱客接住落。早餐餐牌，底面兩板睇晒，陽光早餐系列A-K（$22-$33，最平嘅$22喺多士餐），以及歐陸特色系列M-N（$33-$39）。D. 黑椒雞扒米粉 $32小弟揀個麵餐，黑椒雞扒配午餐肉，要米粉底，大大碗米粉，一大件雞扒搭兩片午餐肉，份量算喺交足功課。個湯底無乜特別，大路嘅清湯，啲雞扒煎得幾香，但黑椒味淡，而且，感覺入口好似有少少酸味；餐肉用「白豬仔」，有誠意啦！F. 自選雙拼湯麵 $32老婆揀炒滑蛋拼鮑汁冬菇配米線，啲蛋唔算好滑，但至少亦無炒到過火老晒，但啲鮑汁冬菇掂喎，好有鮑汁香，冬菇厚身有肉地；啲米線老婆嫌佢腍，但我又覺得唔腍，仲好夠滑溜添。餐飲奉送即磨咖啡或熱飲，但我哋見有啲滋潤季節特飲，只喺加$3，又不妨試試
無嚟咁耐，唔知啲水準有無止跌回升，但平時經過都見唔少人嚟食早餐，今日嚟到，唔喺返工日，兼近9:00am先落到嚟，一樣坐到滿，一枱客走，就有另一枱客接住落。
早餐餐牌，底面兩板睇晒，陽光早餐系列A-K（$22-$33，最平嘅$22喺多士餐），以及歐陸特色系列M-N（$33-$39）。
D. 黑椒雞扒米粉 $32小弟揀個麵餐，黑椒雞扒配午餐肉，要米粉底，大大碗米粉，一大件雞扒搭兩片午餐肉，份量算喺交足功課。個湯底無乜特別，大路嘅清湯，啲雞扒煎得幾香，但黑椒味淡，而且，感覺入口好似有少少酸味；餐肉用「白豬仔」，有誠意啦！
F. 自選雙拼湯麵 $32老婆揀炒滑蛋拼鮑汁冬菇配米線，啲蛋唔算好滑，但至少亦無炒到過火老晒，但啲鮑汁冬菇掂喎，好有鮑汁香，冬菇厚身有肉地；啲米線老婆嫌佢腍，但我又覺得唔腍，仲好夠滑溜添。
餐飲奉送即磨咖啡或熱飲，但我哋見有啲滋潤季節特飲，只喺加$3，又不妨試試。
柑桔蜂蜜茶、紅棗杞子薑蜜兩杯熱飲，個人就覺得杯柑桔蜂蜜茶好飲啲，柑桔嘅酸香突出，跟蜜糖味好夾；然而，杯蜜就淨喺得啲薑味，但點都好，有益過奶茶咖啡之類啦。
再翻兜燉奶佬，算唔上出色，亦算唔上差，早餐嘅特色就欠奉架啦，偶然嚟食吓都無妨。晌美孚，特色嘅餐廳唔多，講到食早餐，取態會一喺去茶記，可以嘆杯香滑奶茶，一喺啲連鎖快餐店，可以試吓啲新嘢嘛！
Other Info. :
人均消費以正價計，但團購關係，實際唔使俾咁多。
(The above review is the personal opinion of a user which does not represent OpenRice's point of view.)
Post
