悅滿軒

今次撇低屋企人同男朋友，自己出動去搵好嘢食。所以揀咗喺美孚饒宗頤文化館有間叫悅滿軒嘅餐廳，一開始以為係食中菜，睇清楚啲發現原來係食法國菜。😆😆心諗咁都比我搵到，我就決定去試吓🤣🤣餐廳周圍嘅環境寧靜舒適，真係啱一個人自己享受舒服中午☺️☺️。裝修都係以法國風情嘅風格為主👍🏻。自私食嘅我一共叫咗三樣嘢🤣，先試前菜。法國冰煙三文魚配法國魚子醬 里考塔芝士（$158），賣相好靚，好賞心悅目😍 煙三文魚同魚子醬本身就係濃味，配埋口塔芝士，味道即刻中和返。🤤之後就試西班牙薄切紅蝦配柚子茴香沙律 熱情果汁$198。呢個賣相又係超靚。佢個紅蝦切得好薄，再配埋柚子茴香沙律同熱情果汁一齊食，柚子好清新，茴香完美咁突出左紅蝦嘅鮮味。食完之後令人有一種好清爽嘅感覺👍🏻主菜我食咗烤小龍蝦意大利粉配西班牙紅蝦汁$298，我覺得佢個份量適中。有好濃郁嘅龍蝦味，每一條意粉都比紅蝦醬汁包裹住 。🦞小龍蝦爽口彈牙，加埋個紅蝦醬一齊食。真係好食到停唔到。呢餐真係超級好食， 而且價錢真係一啲都唔貴，用呢個價錢食到呢個質素嘅嘢。 真係物超所值。今次自己獨食完下次一定要叫埋男朋友一齊黎🤣🤣🤣