Video
Read full review
2023-03-17
219 views
今日公司好忙收唔到工要OT到8:30 pm於是約埋同事睇吓公司附近有啲咩嘢食啦，經過亞士厘道見到呢間裝修好有特色嘅城寨煲皇就決定入去試吓啦！經理介紹我哋叫佢哋嘅招牌龍鳳雞煲翅湯底打邊爐，佢哋有分雞煲翅套餐同埋單點，我哋想試其他單點嘅食物就用QR code落單，所以就冇叫到套餐。一開始佢哋先放低兩碗翅，雞湯煮滾之後就將啲湯加入去嗰兩碗翅嗰度，呢兩碗翅用料十足有原隻花膠同埋有唔少嘅翅，加埋啲雞湯精華清清地唔太鹹好鮮味，所以我都先飲咗兩碗湯😋之後我哋有單點到以下食物：手切滑牛肉（$98）啲牛肉好新鮮厚度啱啱好又有肉味。萵筍（$48 ）切到薄薄一片煮一陣就食得嫰滑鴨血（$58）好新鮮又唔腥夠嫩滑紅薯粉（$38）配埋鴨血最夾潮州爆汁牛丸($58)大細適中口感彈牙夠肉味原隻鮮鱿（$88）好新鮮夠厚身又爽脆豬粉腸（$68）洗得乾淨有咬口另外叫咗可樂$18嘉士伯細支裝$38整體嚟講，我最欣賞佢個雞煲翅湯底，另外滑牛同埋鴨血都唔錯！如果響IG出post仲有炸黑芝麻湯圓送熱辣辣好好味😋呢度環境全部卡位坐得舒適，食物方面都好有水準，員工上菜時會不時介紹食物俾客人同留意客人需要，質素同其他放題餐廳冇得比，下次
經理介紹我哋叫佢哋嘅招牌龍鳳雞煲翅湯底打邊爐，佢哋有分雞煲翅套餐同埋單點，我哋想試其他單點嘅食物就用QR code落單，所以就冇叫到套餐。
一開始佢哋先放低兩碗翅，雞湯煮滾之後就將啲湯加入去嗰兩碗翅嗰度，呢兩碗翅用料十足有原隻花膠同埋有唔少嘅翅，加埋啲雞湯精華清清地唔太鹹好鮮味，所以我都先飲咗兩碗湯😋
之後我哋有單點到以下食物：
手切滑牛肉（$98）啲牛肉好新鮮厚度啱啱好又有肉味。
萵筍（$48 ）切到薄薄一片煮一陣就食得
嫰滑鴨血（$58）好新鮮又唔腥夠嫩滑
紅薯粉（$38）配埋鴨血最夾
潮州爆汁牛丸($58)大細適中口感彈牙夠肉味
原隻鮮鱿（$88）好新鮮夠厚身又爽脆
豬粉腸（$68）洗得乾淨有咬口
另外叫咗可樂$18嘉士伯細支裝$38
整體嚟講，我最欣賞佢個雞煲翅湯底，另外滑牛同埋鴨血都唔錯！如果響IG出post仲有炸黑芝麻湯圓送熱辣辣好好味😋
呢度環境全部卡位坐得舒適，食物方面都好有水準，員工上菜時會不時介紹食物俾客人同留意客人需要，質素同其他放題餐廳冇得比，下次可以試吓其他款式。
Post
