Video
Read full review
2023-09-17
4051 views
係呢到其他人寫得好好，直情好似係平行時空，但我直係忍不住要窯我經驗出來。一去到畀咗張八人派枱我等我滿心歡喜。坐低放低把遮先至發覺窗台滿是灰塵，同行朋友向上一望原來上面大概有二三十平方呎嘅天花喺度跌緊灰。我哋決定唔坐呢一張枱換另外一張比較細嘅，好開心已經擺好咗碗筷。點知一坐低望見旁邊嗰隻碗裏面有一支牙籤仲有一粒好似飯之旅嘅嘢黐喺碗裏面！好啦又叫佢換，再望下對面張凳背有一pat好似乾咗嘅芝麻糊似喺度！因為大家老朋友約咗出嚟聚唔方便換地方，如果唔係我一定拉隊走！再嚟叫菜，似啲樣嘅菜比如雞，小碟200起，中300起，大碟400起睇，到我哋眼都突埋，openrice前面講一人50至100蚊消費似乎完全唔正確！無奈叫咗個六至八人套餐，2980元免茶芥，但係要加一，最後埋單我哋一人480元！有一說一，翅湯係好，足料並一人有2碗左右。但其他都好一般，比如北京填鴨，並不是片皮，切出來一塊絕大多是肉，塊皮比女仕尾指還要細，細到你完全講唔出塊皮係脆定唔脆，重要啲包皮一大疊一塊黐埋一塊我真係唔明其他人點讚得佢嘅北京填鴨最可怕，係臨走去一去廁所，個男廁五個尿兜有三個係塞咗，漏緊出嚟，我真係冇辦法畀四百幾蚊一個人
一去到畀咗張八人派枱我等我滿心歡喜。
坐低放低把遮先至發覺窗台滿是灰塵，同行朋友向上一望原來上面大概有二三十平方呎嘅天花喺度跌緊灰。
我哋決定唔坐呢一張枱換另外一張比較細嘅，好開心已經擺好咗碗筷。點知一坐低望見旁邊嗰隻碗裏面有一支牙籤仲有一粒好似飯之旅嘅嘢黐喺碗裏面！
好啦又叫佢換，再望下對面張凳背有一pat好似乾咗嘅芝麻糊似喺度！
因為大家老朋友約咗出嚟聚唔方便換地方，如果唔係我一定拉隊走！
再嚟叫菜，似啲樣嘅菜比如雞，小碟200起，中300起，大碟400起睇，到我哋眼都突埋，openrice前面講一人50至100蚊消費似乎完全唔正確！
無奈叫咗個六至八人套餐，2980元免茶芥，但係要加一，最後埋單我哋一人480元！
有一說一，翅湯係好，足料並一人有2碗左右。但其他都好一般，比如北京填鴨，並不是片皮，切出來一塊絕大多是肉，塊皮比女仕尾指還要細，細到你完全講唔出塊皮係脆定唔脆，重要啲包皮一大疊一塊黐埋一塊我真係唔明其他人點讚得佢嘅北京填鴨
最可怕，係臨走去一去廁所，個男廁五個尿兜有三個係塞咗，漏緊出嚟，我真係冇辦法畀四百幾蚊一個人，竟然係一個茶餐廳嘅廁所都不如！
如果你鍾意懷舊，喜歡擺設，廳中間有福祿壽三星，呢個的確係一個好地方，其他你哋自己睇路。
Post