鐵板超 (Moved) New Location

已經去過鐵板超好幾次，終於的起心肝寫返個評，用心是值得鼓勵的。一入到去坐下，有3，4台客，我果日著得都幾單薄，職員好細心，叫我地坐去一張冷氣比較細同無吹到咁應既台。兩個人叫左個set，大家睇餐都知大概都係有邊d海鮮同和牛餐，因為都好多人介紹左，所以主要推薦其中我最鐘意既，因為我好好好怕食生牛肉，所以師傅燒前我同佢講：盡量熟d！師傅同我傾下計，話熟哂真係唔好食，試一次3成，我亦獻出左我嘅第一次食咁生既牛肉。有一邊師傅細心咁燒到好似好熟咁，另一邊就係咁二燒下仲粉粉紅紅咁。我me埋眼食左落口，入口即溶，味道極佳。眼睛即刻bling bling 地同師傅講：真係好好食！而呢樣菜式亦成為我好喜愛既食物。於我而言，去食野能夠擁有細心既服務同好味既食物最滿足。