Seoul Bite (金銘大廈) (Closed)

我究竟食緊乜？食過好多次，因為以前真係覺得屯門區平靚正嘅韓式炸雞，又多味道。曾經中過伏，份量少、食脆漿多過肉。之後比次機會再試下，有改善返，食過幾次。但今次又中伏！今次order左份無骨炸雞。真係無骨，但成盒只係得4-5舊係有肉食，仲要係勁細件嘅炸雞，其他就係啲脆漿。一盒咁嘅野收我$88，但你就比啲咁嘅我？我都係想滿足食「肉」啫！$88唔係錢？如果你覺得依個肉量係你地舖standard，正常發揮，同埋係賣緊炸脆漿而唔係炸雞。咁我真係要極力推薦鍾意食脆漿嘅人士去試吓。我亦終於知道究竟食緊乜，好似食緊齋雞粒，又乾又脆。講到尾，你良心過意得去？勸你咪侮辱同賣弄 Seoul 依個名。