Video
Read full review
2024-09-06
2932 views
上個禮拜男朋友無啦啦話book到挽肉と米，雖然本身冇乜大興趣，但話晒都叫過江龍，打吓卡都要嘅😁先講一講我平時嘅食量，lunch係我食得最多嘅一餐，一碟雙拼燒味飯如果我食晒啲燒味啲飯最多食一啖⋯⋯所以通常都會直接分一半俾人。晚餐更加唔使講。男朋友一早提我晏晝唔好食咁飽，因為晚餐有三舊漢堡扒同白飯任裝🫨所以我lunch淨係食咗一個細麵包，放工嗰陣係有d餓既。由於我哋訂咗位，去到門口一企預約嗰邊，已經有個女仔開門俾我哋入去點餐，過程超快，超順利，點完餐就可以埋位。一埋到位即刻上咗麵豉湯同白飯，有人會同你講解食法同埋啲調味係乜，雖然佢都有張紙可以自己睇。跟住相都未影完就上埋嘢飲，飲咗兩啖湯就已經上第一嚿肉。舊肉冇想像中咁大咁恐怖，咬落比起我喺日本食嘅一般漢堡扒比較實淨，表面燒得啱啱好鎖住裏面嘅肉汁。睇之前啲食評有人話舊肉好鹹，我平時都食開淡口，所以唔敢落調味就咁食，係濃味嘅，但未至於好鹹，我覺得唔落調味就咁食個味啱啱好，送飯一流👍🏻然後侍應有留意我食完第一舊先比第二舊，我覺得好貼心，又會介紹第二舊可以點食。到我食完第二舊，其實已經有啲飽，但都食咗三份一碗飯，正當我食緊醃菜清下個口嘅時候，第三舊
先講一講我平時嘅食量，lunch係我食得最多嘅一餐，一碟雙拼燒味飯如果我食晒啲燒味啲飯最多食一啖⋯⋯所以通常都會直接分一半俾人。晚餐更加唔使講。
男朋友一早提我晏晝唔好食咁飽，因為晚餐有三舊漢堡扒同白飯任裝🫨所以我lunch淨係食咗一個細麵包，放工嗰陣係有d餓既。
由於我哋訂咗位，去到門口一企預約嗰邊，已經有個女仔開門俾我哋入去點餐，過程超快，超順利，點完餐就可以埋位。
一埋到位即刻上咗麵豉湯同白飯，有人會同你講解食法同埋啲調味係乜，雖然佢都有張紙可以自己睇。跟住相都未影完就上埋嘢飲，飲咗兩啖湯就已經上第一嚿肉。
舊肉冇想像中咁大咁恐怖，咬落比起我喺日本食嘅一般漢堡扒比較實淨，表面燒得啱啱好鎖住裏面嘅肉汁。睇之前啲食評有人話舊肉好鹹，我平時都食開淡口，所以唔敢落調味就咁食，係濃味嘅，但未至於好鹹，我覺得唔落調味就咁食個味啱啱好，送飯一流👍🏻
然後侍應有留意我食完第一舊先比第二舊，我覺得好貼心，又會介紹第二舊可以點食。
到我食完第二舊，其實已經有啲飽，但都食咗三份一碗飯，正當我食緊醃菜清下個口嘅時候，第三舊就到了。
然後我就好似各位咁拎隻雞蛋，擺好個蛋黃打下卡，終於影完相，發現平時食一碗飯無論大小都要淨一啖嘅男朋友竟然叫添飯😱
講返舊肉，齋用蛋黃個味係會突出啲嘅，但我覺得太杰，始終食到第三舊有啲滯，所以我撈埋個蛋白落去濕濕地易食啲。不過因為飯已經唔係好多，所以撈埋個蛋白就變咗好濕，我本人係鍾意嘅，另外再加咗少少豉油成個蛋漿飯超正，就係咁我不知不覺間就食咗三舊肉同一碗飯，連我自己都嚇親🫣
總括嚟講我覺得淨係食漢堡扒就唔特別嘅，但係成個環境氣氛加埋一齊就覺得唔錯，同埋喺IFC食個晚餐都係百零蚊個，仲想點？🤣
如果佢唔係咁難book我一定會再去！
Post
