Video
Read full review
2010-10-06
503 views
好耐冇去食過 , 近排又再去試 , 去襯都叫【鹹蛋時菜肉片湯 + 豉汁蒸白倉魚 + 蒜茸白菜仔 + 鹽焗雞半隻】。呢次我去街市買左四隻花蟹 , 拎去叫阿姐幫我清蒸 , 都預左要收我費用 , 但最後都冇收我費用 , 又送埋陳醋一碗 , 真係好。蟹夠新鮮生猛清蒸已經好鮮甜 , 加埋陳醋酸酸甜甜好正好鮮。 【鹹蛋時菜肉片湯】 , 滾湯要求唔高 , 但唔多覺味精亦鮮味 , 夠大碗公三人都夠飲 , 大熱天時飲下菜湯加鹹蛋降火一流。 【 豉汁蒸白倉魚】, 呢味我覺得最正 , 白倉魚細細條好新鮮 , 豉汁蒸時間o岩o岩好 , 送飯好開胃 , 呢味我次次都食 , 其實我一個人食哂一碟兩條都得 , 哈! 【 蒜茸白菜仔】, 油唔多蒜茸夠味炒得夠香 , 白菜仔夠鮮嫩 , 絕對 ok 。 【 鹽焗雞半隻】, 其實雞我覺得 ok 啦 , 比起我二年前o黎食已經好左 , 果時食過雞皮好厚又太肥 , 肉質浸過籠有少少嚡 , 但今次皮可接受 , 肉都 ok 唔錯 , 但o係我心目中 , 好食o既鹽焗雞仲爭幾遠下 , 雞係用鹽水浸熟o既雞 , 我相信香港都冇真係用炒熱o既鹽 , 拎o黎焗熟o既俾你食 , ok 。現
呢次我去街市買左四隻花蟹 , 拎去叫阿姐幫我清蒸 , 都預左要收我費用 , 但最後都冇收我費用 , 又送埋陳醋一碗 , 真係好。蟹夠新鮮生猛清蒸已經好鮮甜 , 加埋陳醋酸酸甜甜好正好鮮。
【鹹蛋時菜肉片湯】 , 滾湯要求唔高 , 但唔多覺味精亦鮮味 , 夠大碗公三人都夠飲 , 大熱天時飲下菜湯加鹹蛋降火一流。
【 豉汁蒸白倉魚】, 呢味我覺得最正 , 白倉魚細細條好新鮮 , 豉汁蒸時間o岩o岩好 , 送飯好開胃 , 呢味我次次都食 , 其實我一個人食哂一碟兩條都得 , 哈!
【 蒜茸白菜仔】, 油唔多蒜茸夠味炒得夠香 , 白菜仔夠鮮嫩 , 絕對 ok 。
【 鹽焗雞半隻】, 其實雞我覺得 ok 啦 , 比起我二年前o黎食已經好左 , 果時食過雞皮好厚又太肥 , 肉質浸過籠有少少嚡 , 但今次皮可接受 , 肉都 ok 唔錯 , 但o係我心目中 , 好食o既鹽焗雞仲爭幾遠下 , 雞係用鹽水浸熟o既雞 , 我相信香港都冇真係用炒熱o既鹽 , 拎o黎焗熟o既俾你食 , ok 。
現場阿姐服務殷勤 , 成日幫我地義務去士多買汽水啤酒 , 價錢都好平冇乜點賺 , 汽水啤酒係用水櫃整凍 , 所以支支都夠冰凍好好飲。
一般食以上咁多樣菜 , 都係二佰五十蚊左右 , 個人覺得都好抵食 , 呢期時時幫襯 , 尤其天氣涼左唔一定要坐冷氣位 , 更加會多少少去幫襯。
事頭婆其實都識左十幾年 , 佢地做街坊生意確係識做人 , 唔串又有禮貌。出面條街泊車都幾方便 , 睇到車又好少抄牌 , 幾方便。
Post