Video
Read full review
2016-01-11
549 views
今晚又要食自己，收工返到大埔都係照舊食自己，好眼瞓呀 ﹗好想食勁辣勁辣勁勁辣舒緩一下低落情緒，是但求其要快要近要好食既，就學利啦 ﹗食完返屋企發呆 ﹗突然好想食河粉，拿拿聲倒碗河粉落肚就即刻返屋企 ﹗依家十點已經趕客走喇 ﹗五香牛筋腩撈粗走蔥，最穩陣之選，好少會失手。五香牛腩汁撈麵好好味，牛味濃郁而帶五柏味道，濃而不濁。牛腩軟腍鬆化，入味非常，好好食 ﹗學利粗麵係我食過最爽口彈牙又乾爽既一間，到目前為止無人能及 ﹗大大碗魚湯好美味，每次都比我飲晒架。侍應姐姐又唔記得走蔥，請換過碗湯吧 ﹗大大碗魚清湯，非常清甜，加埋炸蒜就更香口濃郁，搞到每次都要飲到一滴都無剩先肯離開，但今次有點淡。今晚沒有淨牛腩？只可以筋腩？牛腩唔夠？居然差不多賣晒，侷住要食牛筋腩撈，只得兩小舊牛腩真陰功。五香牛腩炆得異常地香濃入味，軟棉中又鬆化，無渣而且多汁，牛筋膠口滑潺潺又美味，超高質既演繹。依碟撈麵既五香腩汁特別多，咸左少少啊。湯雖然淡了一點，不過至少還有學利辣椒油，淨食辣椒渣好正呀 ﹗勁香勁辣，味道沉實帶微微甜味。滿滿一羮辣椒渣免強夠我食碟撈麵既，啜啜啜不停，轉眼已剩下隻碟乍 ﹗多年都只食撈粗，食得粗麵多有點悶
五香牛筋腩撈粗走蔥，最穩陣之選，好少會失手。五香牛腩汁撈麵好好味，牛味濃郁而帶五柏味道，濃而不濁。牛腩軟腍鬆化，入味非常，好好食 ﹗學利粗麵係我食過最爽口彈牙又乾爽既一間，到目前為止無人能及 ﹗大大碗魚湯好美味，每次都比我飲晒架。侍應姐姐又唔記得走蔥，請換過碗湯吧 ﹗大大碗魚清湯，非常清甜，加埋炸蒜就更香口濃郁，搞到每次都要飲到一滴都無剩先肯離開，但今次有點淡。
今晚沒有淨牛腩？只可以筋腩？牛腩唔夠？居然差不多賣晒，侷住要食牛筋腩撈，只得兩小舊牛腩真陰功。五香牛腩炆得異常地香濃入味，軟棉中又鬆化，無渣而且多汁，牛筋膠口滑潺潺又美味，超高質既演繹。依碟撈麵既五香腩汁特別多，咸左少少啊。湯雖然淡了一點，不過至少還有學利辣椒油，淨食辣椒渣好正呀 ﹗勁香勁辣，味道沉實帶微微甜味。滿滿一羮辣椒渣免強夠我食碟撈麵既，啜啜啜不停，轉眼已剩下隻碟乍 ﹗
多年都只食撈粗，食得粗麵多有點悶，今次食幼麵啦。牛筋腩凍冰冰，真係堅收檔喎。牛腩入味軟腍，牛筋滑溜膠口，每舊都散發濃郁五香味道，好好食 ﹗但係凍冰冰呢。幼麵爽口彈牙，撈上濃厚五香腩汁加勁辣辣椒油，點停得口呀 ﹗不過幼麵唔洗剪斷去啦，細路仔自己唔識咬斷咩，剪到一段段最討厭。堅辣自家製辣椒油，香辣沉實味道帶淡淡甜味，激辣捲起幼麵衝入口中，正呀 ﹗魚清湯，香甜濃郁美味大大碗魚湯，食都口乾時飲啖、食到太辣時飲啖，每次都比我飲晒，好味道。我幫襯學利有 90% 以上都係食牛腩撈粗架乍，並不是佢地既魚囉。
自家辣椒油，夠晒香辣，正 ﹗味道沉實又激辣，辣味持久帶少少甜，雖然香味不及蔡潤記，但辣度可以比一比。每一口粗麵都要掛上大量辣椒渣，非常刺激美味 ﹗
至尊四寶河走蔥，魚蛋微爽微彈微咸，一般。魚片偏腍，一般。魚片頭爽彈香口偏咸，一般。炸魚腐跟魚片頭幾乎一樣，一般，一般四寶河。河粉夠棉滑又熱騰騰，最爭硬屈屈，淋上大量辣椒渣瀡入口好鍾意 ﹗唔會散筲筲、唔會腍劈劈，非常完整 ﹗至尊四寶河，各路魚蛋合體，魚片頭、魚片、魚蛋、炸魚腐，味道偏咸，質魚一般，唔難食。粉河棉滑在汪洋大海中浮沉，要筷子、匙羮合作先可以容易完全消滅。
炸墨魚丸麵走蔥，次次都係五香牛腩撈粗都幾悶，間中都要轉下口味啦，第一次食招牌炸墨魚丸。炸得金黃好香口喎，鮮墨魚味真材實料，爽彈足料唔會成口粉，只係略咸左一點點。嘩 ﹗碗麵太多湯呢，大海撈針咩。雖然個魚湯真係鮮甜，但水汪汪賣相唔好睇。麵質都滿意，微爽捲埋辣椒油同吃，合格。
蠔油菜芯，幾鮮爽喎，我主攻食葉，莖就要睇佢夠唔夠腍、夠唔夠熟喇。莖部有點草青味，雖然充滿水份又有淡淡甜味，但我都係放棄。葉都還算鮮嫩可口，但莖帶草青味，唔想食呢。蠔油生菜，為何菜葉可以那麼厚的呢？感受唔到爽甜鮮嫩多汁，只有粗糙感覺。
五香牛筋腩撈粗走蔥
31 views
0 likes
0 comments
五香牛筋腩撈粗走蔥
25 views
0 likes
0 comments
五香牛筋腩撈粗走蔥
20 views
0 likes
0 comments
五香牛筋腩撈粗走蔥
19 views
0 likes
0 comments
五香牛筋腩撈麵走蔥
7 views
0 likes
0 comments
五香牛筋腩撈麵走蔥
11 views
0 likes
0 comments
至尊四寶河走蔥
12 views
0 likes
0 comments
至尊四寶河走蔥
6 views
0 likes
0 comments
炸墨魚丸麵走蔥
9 views
0 likes
0 comments
蠔油菜芯
6 views
0 likes
0 comments
蠔油菜芯
4 views
0 likes
0 comments
蠔油生菜
13 views
0 likes
0 comments
Post
