Video
Read full review
2018-01-13
1482 views
今日收工同女朋友旺角行街街，行行下就搵野食啦，搵搵下openrice見到e間餐廳就長期都係一個好高嘅位置，人氣好高，價錢又大眾化，咁就當然要試下啦，因為我地都係好鍾意試野嘅人黎呀！餐廳唔難搵呀！女人街街號一邊係單數，一邊係雙數，係近油麻地果邊入就好容易搵到啦！見到佢個門口都好靚，好多介紹，而就咁望落去都有好多菜式，唔考慮啦，兩位唔該!!!!!入到去之後餐廳座無虛席，但係好彩上天可憐肚餓嘅我們，剛剛有張枱走啦，見到餐廳嘅環境係非常靚，牆上油畫係非常有心思呀！有麥嘜，香港維多利亞海境，同埋我見到李小龍呀！咁等我地望下個餐牌先，餐牌都好多元化，有散叫嘅一人套餐，價錢都非常合理，亦有一些二人套餐，有龍蝦餐及以扒為主菜嘅二人餐，咁我同我女友就選擇左e個以扒為主嘅二人套餐，分別選擇左西班牙黑毛豬，街坊碗仔翅，香草雞肉河粉及甜品選擇了綠茶吉士雞蛋仔伴雪糕。好，開飯啦！首先黎嘅係吞拿魚蟹籽沙律，沙律菜都有好多款，有羅文生菜，紅毛菜，九牙，蕃茄仔，全部都好新鮮鮮甜，因為如果菜老左係會變和同埋係會開始變林唔爽口呀！撈埋d蟹籽，吞拿魚同埋沙律醬就更加開胃同埋更加易入口，吞拿魚同沙律醬會覆蓋左菜嘅草青味，e道
餐廳唔難搵呀！女人街街號一邊係單數，一邊係雙數，係近油麻地果邊入就好容易搵到啦！見到佢個門口都好靚，好多介紹，而就咁望落去都有好多菜式，唔考慮啦，兩位唔該!!!!!
入到去之後餐廳座無虛席，但係好彩上天可憐肚餓嘅我們，剛剛有張枱走啦，見到餐廳嘅環境係非常靚，牆上油畫係非常有心思呀！有麥嘜，香港維多利亞海境，同埋我見到李小龍呀！咁等我地望下個餐牌先，餐牌都好多元化，有散叫嘅一人套餐，價錢都非常合理，亦有一些二人套餐，有龍蝦餐及以扒為主菜嘅二人餐，咁我同我女友就選擇左e個以扒為主嘅二人套餐，分別選擇左西班牙黑毛豬，街坊碗仔翅，香草雞肉河粉及甜品選擇了綠茶吉士雞蛋仔伴雪糕。
好，開飯啦！
吞拿魚蟹籽沙律
32 views
0 likes
0 comments
首先黎嘅係吞拿魚蟹籽沙律，沙律菜都有好多款，有羅文生菜，紅毛菜，九牙，蕃茄仔，全部都好新鮮鮮甜，因為如果菜老左係會變和同埋係會開始變林唔爽口呀！撈埋d蟹籽，吞拿魚同埋沙律醬就更加開胃同埋更加易入口，吞拿魚同沙律醬會覆蓋左菜嘅草青味，e道菜就係勝在新鮮。
街坊素鮑參碗仔翅鍋
28 views
0 likes
0 comments
跟住就係到街坊素鮑參碗仔翅鍋，碗仔翅基本係有冬菇絲，木耳絲，蛋絲，咁e間餐廳就加上左素海參同素鮑魚，唔單止外觀係贏曬，佢重可以俾人可以影到好多相呀！咁我就忍唔住即刻試返啖啦，碗仔翅就真係好街坊味道，而且好足料，啖啖都有冬菇同木耳絲，而味道就係根本就係細細個街邊食果d碗仔翅嘅味道，咁素鮑魚同海參都係素食，味道就唔係太濃，但係都好有口感，但係肯定嘅一樣野係絕對有卓頭今時今日餐飲業就係好需要e d有創意，有卓頭嘅餐廳。最後都係食晒。
鐵板燒西班牙黑毛豬
48 views
0 likes
0 comments
跟住就到西班牙黑毛豬啦，黑毛豬，給人感覺矜貴，比普通豬肉好食。其實黑毛豬也有分不同產地，最出名一定有西班牙的黑毛豬，吃橡果長大的黑毛豬於叢林間放養，所用的飼料亦有精心調配過，豬肉亦帶有濃郁的橡果香氣，一般有分成全橡果餵飼、半橡果餵飼及全飼料餵飼，今次餐廳重以燒紅左嘅鐵板上，配以香濃嘅黑椒汁，非常香口，肉質帶橡果甘香! 口感嫩滑! 滋味持久! 令人一試難忘!肉質就真係唔同出面茶餐廳嘅豬扒，出面豬扒都會以梳打醃製，務求令肉質鬆口，而今次e塊黑毛豬我都相信唔需要用梳打醃，都一樣好嫩滑，而配菜包括薯條，茄子，豆角及蕃茄都非常新鮮，即叫即整，真係令人回味。
肉汁都流晒出黎，正!
香草雞肉河粉
19 views
1 likes
0 comments
跟住就到香草雞肉河粉，e道都係一道幾經典嘅西餐菜式，但係問題出現啦，點解唔係意粉呢!?原來餐廳就fusion左，將港式河粉融入左去西式燴粉，咁就試下啦，河粉本身係俾好林，無口感嘅感覺，但係今次就非常出色，食落去都好滑，再配合埋個香草醬原來可以咁特別，河粉用左西式燴粉煮法煮之後就入晒味，d汁收晒入去每條粉，圖中所見每條粉都係上晒色呀！食落去就同西餐廳食果d味道一樣，師傅好野!
飲品
18 views
0 likes
0 comments
好，跟住到飲品啦，係e個咁豐富嘅menu叫我選擇兩款飲品其實就真係非常困難呀!講真，我每樣都想試，咁跟住我就望住我女友講當我想起你同女神，當堂自己紅都面晒，多謝餐廳俾個咁嘅機會我e d宅男，最後就叫左B32同埋B34啦！兩杯野飲黎到嘅時候都非常吸睛，呢兩杯最主要嘅成分係金桔同埋藍橘，味道都非常之夾，而味道都剛剛好，唔會太甜或者太淡，同埋都真係好足料，個面真係有檸檬同埋藍莓，可見餐廳真係好用心，甜甜地酸酸地嘅味道非常好呀！
綠茶吉士雞蛋仔伴雪糕
24 views
1 likes
0 comments
波波雪糕
22 views
0 likes
0 comments
最後啦！上甜品啦，甜品係綠茶吉士雞蛋仔伴雪糕，大家都知道，雞蛋仔係香港嘅名產，型出國際，繼碗仔翅之後又係一個港式經典街頭美食，今次餐廳就對個雞蛋仔稍作改良，加入綠茶味及吉士，雞蛋仔非常香脆，好足綠茶味，而裡面嘅吉士都唔會太甜，綠茶味嘅波波雪糕都好足味，e個甜品絕對能夠為e餐咁豐富嘅晚餐畫上一個完美句號。下次我一定會再黎，試下佢個龍蝦餐，唔怪得之間餐廳係openrice會有咁高評價，希望廚師們繼續努力，唸多d新野，期待見到佢個卡邦尼公仔麵同埋港式All day，重有個關東煮FEEL嘅香港煮，哈哈!
Post
