榮興潮州牛肉火鍋專門店 (Closed)

五日之內，連打兩次任食邊爐，第一次去佐敦【HiPot】人山人海，汗味+沙爹味+油煙味互相交流，火鍋料那西牛肉不濟飲品冇味……星期五晚朋友吹雞，又話去任食邊爐，本來唔多願意，但星期五冇飯局，又的確幾冇面，咁就死死地氣抆衫尾去食！呢間叫【榮興】，行到入去見枱唔會密麻麻，已經有啲好感，一坐低，朋友話天氣咁燥熱，不如叫個冇米粥湯底，跟住都係例牌，牛肉丸丸餃餃魚魚…乜叉都Tick！呢間係潮州式火鍋，所以有啲配料平時都唔多見，屁如蠔仔、九肚魚、紫菜…啲蠔仔仲係粒粒都肥嘟嘟仲有牛腩牛根同牛脷…味道仲唔錯添，連即食麵都係出前一丁，樣樣都唔欺場，而且侍應又有禮貌，對得住客人有餘！以任食火鍋嚟講，算係咁啦！咁問題又嚟嘞，點解【榮興】又任食，Hipot都係任食，呢度水準好咁多，反而人客又少咁多呢？朋友一邊咬住粒牛丸，一邊話…梗係啦！呢度一百六十幾蚊，Hipot只係一百廿幾，平咁多！老實講，呢四十蚊，我願意俾！