Video
Read full review
2006-04-25
15 views
4月23號(星期日)星期六晚睇完個把幾火煮食比賽節目，兼且無乜胃口，個心其實想食辣嘢，不過媽咪想去創發食飯想咗成個禮拜，於是同爸爸三人一於去創發食午飯。十二點幾，一推門已經有人招呼：「老細幾位？」四圍望下，雖不至人頭湧湧，但圍圍都有人坐或者留咗座。近大門對正鹵水檔有位，啱哂！肚雖窄但至少眼可闊。睇過各位的食評，知道有道煙燻鴨，但唔知應該叫半隻定例牌。「例牌就夠啦。」落單的大叔如是說。再點咸菜豬肚湯及鵝腸，並由大叔拍板叫個潮州四寶菜。「夠食啦三個人。」大叔收筆。「多謝老細。煙燻鴨要等十零分鐘。」湯先來。老媽舀了－碗：「好味！」骨碌骨碌地喝。輪到阿爸拎起湯勺。屋企附近係有檔打冷，但近年覺得菜薄咗用料差咗，已經少去。（但其實人家做街坊生意，呢幾年都無乜起價，可以點？）我眼定定望住個湯，等。終於到我啦，〔大喜〕，點知側邊忽然多咗隻手伸入嚟……同我爭！？啊，唔係，係大叔上菜。「鵝腸要趁熱食，食完先飲湯啦。」見呢度d鵝腸比食開d切得寬，又肥美，相都唔影，轉抓（勺）為拿（筷子）。嗯，好脆口，好甘香──係肥，但點咗醋酸酸地唔覺膩。鵝腸食完，返轉頭飲湯。好味就唔駛講，飲完仲無先前咁飽滯。過咗一陣嚟四寶菜
星期六晚睇完個把幾火煮食比賽節目，兼且無乜胃口，個心其實想食辣嘢，不過媽咪想去創發食飯想咗成個禮拜，於是同爸爸三人一於去創發食午飯。
十二點幾，一推門已經有人招呼：「老細幾位？」四圍望下，雖不至人頭湧湧，但圍圍都有人坐或者留咗座。近大門對正鹵水檔有位，啱哂！肚雖窄但至少眼可闊。睇過各位的食評，知道有道煙燻鴨，但唔知應該叫半隻定例牌。「例牌就夠啦。」落單的大叔如是說。再點咸菜豬肚湯及鵝腸，並由大叔拍板叫個潮州四寶菜。「夠食啦三個人。」大叔收筆。「多謝老細。煙燻鴨要等十零分鐘。」
湯先來。老媽舀了－碗：「好味！」骨碌骨碌地喝。輪到阿爸拎起湯勺。屋企附近係有檔打冷，但近年覺得菜薄咗用料差咗，已經少去。（但其實人家做街坊生意，呢幾年都無乜起價，可以點？）我眼定定望住個湯，等。終於到我啦，〔大喜〕，點知側邊忽然多咗隻手伸入嚟……同我爭！？啊，唔係，係大叔上菜。「鵝腸要趁熱食，食完先飲湯啦。」見呢度d鵝腸比食開d切得寬，又肥美，相都唔影，轉抓（勺）為拿（筷子）。嗯，好脆口，好甘香──係肥，但點咗醋酸酸地唔覺膩。
鵝腸食完，返轉頭飲湯。好味就唔駛講，飲完仲無先前咁飽滯。過咗一陣嚟四寶菜，原來係炆黃芽白、金針、冬菇、蝦乾等等，我未食過，但覺啱胃口，尤其係d金針。
睇住伙計們抬箱琵琶蝦入廚房，阿姐拎碟石榴Ｘ行過，婆婆捧完一盤又一盤蒸韮菜粿出來，咦隔離叫凍龍蝦噃，嘩好大盤栗子炆豬手……過一陣，大叔第二次主動走嚟話燻鴨仲整緊。（唔緊要，我未睇夠。呵呵。）然後忽然放低隻碟：「兩隻蒸韮菜粿，食住先啦。」粿皮又白又滑，餡韮菜味濃帶汁，好味。（仲有一味，但依家差唔多飽，點算？）
燻鴨終於上枱。皮，脂，肉分明，層皮尤其靚，煙燻味濃但鹹味適中，肉有嚼頭但非「柴皮」。又係好味。（好彩係創發，唔係就成篇鱔稿咁。）清碟。
最後要讚大叔同婆婆的服務，尤其佩服大叔的判斷──例如識得放低兩隻而唔係三隻韮菜粿。（鼓掌）
Post