美味餃子店 (Moved) New Location

白菜豬肉餃餃子好大隻, 但好朋友一試碗湯, 臉上微微變色, 因為佢唔食生魚, 一試就知賴野。其實碗生魚野葛菜湯幾清甜, 飲得出係用心煲, 感覺幾健康, 無咩油。韮菜煎餃好多韮菜, 煎餃惹味香口好多, 加埋豆瓣醬仲正。舖頭細細應該都係家庭式生意, 但無咩禮貌, 落單時唔俾任何反應, 唔知佢聽唔聽到, 完又粒聲唔出走左去...老闆娘就好好禮貌, 你埋單佢會講多謝同拜拜, 對手仲係默默包緊一盤又一盤餃子。