Solera Restaurant and Bar (Closed)

某日行完山喺梅窩出發 尾站係愉景灣 就想搵一間餐廳醫肚 行下行下就搵到呢一間餐廳 係位於愉景灣嘅二樓, 可以望到海景, 仲可以坐喺戶外露台座位。叫了食物之後, 就送上一啲嘅麵包, 有黑醋同埋olive oil 沾包食的。 我點咗一個炸洋蔥圈, 首先想讚洋蔥圈外表炸得好好, 外表金黃色又香脆, 再滲上檸檬汁, 而入面嘅魷魚係香滑唔韌, 非常香脆。同埋漢堡包甜薯條都係十分之好味, 特別係甜薯條, 點嗰醬汁十分之特別, 味道似酸酸甜甜嘅沙律醬咁, 但係又好似落咗少少芥末嘅味道 令我不得一口接一口, 將整罐甜薯條食光, 另外漢堡包不得不讚, 切開咗一半之後, 中間的肉汁是非常之juicy, 唔會太乾, 再加埋芝士菜夾住一齊食, 非常之一個好嘅漢堡包, 最可愛竹籤上跟住一粒酸瓜仔, 酸酸味味的。由於本人唔太食肉 結果我朋友都食曬我只食少少肉啫。係一間意外地給我一個驚喜嘅西班牙餐廳值得推薦, 加上服務態度非常之好。