Video
Read full review
2024-10-18
1029 views
兩星期前訂咗一圍12人嘅套餐，網上過數落訂，WhatsApp 收到按金紙，一切順利。今晚嚟到，經理、侍應、食物都唔錯，心諗又冇網上所講服務咁差啫。點知，行出去埋單，個阿姐😡一開口已經臭串語氣，我同佢講枱號埋單，佢話：我地冇呢張枱號；我邊指住枱嘅方向，邊形容佢知叫咗咩套餐，其實張枱位置只係喺收銀處隔離第三張枱，而果邊只有我地一圍12人枱，其餘都係啲二人枱，但佢望都唔望，就叫我返去睇清楚枱號。（我心諗咩態度呀）我行返去攞個座枱牌比佢睇，確實我冇講錯枱號，但佢都話冇呢張單，要我再行多次攞張套餐紙佢睇先查到🤬之後叫我比張按金單佢，我邊答話WhatsApp 度，一邊就開個WhatsApp 佢睇，條友又係望都唔望吓個電話，就好串咁話：「吓！睇相！」二話不說叫個經理過嚟話我而家咁嘅情況；個經理嚟到話佢知啲網上按金紙本佢地存嘅位置，搞咗10分鐘先埋到張單，仲要一直受氣，我心諗呢條連自己間鋪點運作都唔知，學咩人做揸fit人；客人嚟幫襯，你就當人嚟乞食咁，如果唔係靠你班員工，而你咁嘅態度，聽執笠啦！
今晚嚟到，經理、侍應、食物都唔錯，心諗又冇網上所講服務咁差啫。
點知，行出去埋單，個阿姐😡一開口已經臭串語氣，我同佢講枱號埋單，佢話：我地冇呢張枱號；我邊指住枱嘅方向，邊形容佢知叫咗咩套餐，其實張枱位置只係喺收銀處隔離第三張枱，而果邊只有我地一圍12人枱，其餘都係啲二人枱，但佢望都唔望，就叫我返去睇清楚枱號。（我心諗咩態度呀）
我行返去攞個座枱牌比佢睇，確實我冇講錯枱號，但佢都話冇呢張單，要我再行多次攞張套餐紙佢睇先查到🤬
之後叫我比張按金單佢，我邊答話WhatsApp 度，一邊就開個WhatsApp 佢睇，條友又係望都唔望吓個電話，就好串咁話：「吓！睇相！」二話不說叫個經理過嚟話我而家咁嘅情況；個經理嚟到話佢知啲網上按金紙本佢地存嘅位置，搞咗10分鐘先埋到張單，仲要一直受氣，我心諗呢條連自己間鋪點運作都唔知，學咩人做揸fit人；客人嚟幫襯，你就當人嚟乞食咁，如果唔係靠你班員工，而你咁嘅態度，聽執笠啦！
Post