Video
Read full review
2016-07-16
756 views
LUNCH 時段的雲貴香真係好多人等位因為雲貴香真係幾好味我自己一個人食飯，WHATSAPP 問朋友嗰頭食咩好佢哋都點名話去雲貴香孤獨精自己一個食，所以唔洗同人等位，其實一個人食飯，又有咩好怕喎食雲貴香，坐得一定唔舒服，因為佢環境仲劏過劏房條行有人出梗，就入唔到，個身多啲肉都唔得掂位就當然窄一個舖，盡可能擺盡多枱，盡入客但注意，入咗客，其實廚房唔一定跟得切，所以佢出菜係慢嘅明明啲伙記已經做得勁快，但見到真係踢晒腳所以佢同時都好香港，係香港好侷促，好SAD嗰一面我諗，史提芬周2016年食神，應該唔會整瀨尿牛丸，應該整酸辣麵啲位有咁窄得咁窄，啲湯有咁辣整咁辣，啲冰有咁大粒得咁大粒雲桂香成日食咖啦！酸辣好味嘛！但今日個腩肉真係好硬失咗手喎師傅舖頭好熱，有冷氣都覺得熱，一定要叫凍嘢杯凍檸茶唔記得叫少甜，但佢已經自動有少甜嘅效果！但酸辣麵有個特點好乞人憎，不論係邊間都係，一個唔留神唔記得做芽菜就大鑊喇！食到咁上下，會發覺好難分返開啲麵同芽菜梗係難分啦！咁多芽菜。都有麵嘅三分一。老一輩話芽菜唔好食咁多，好陰寒但呀姐好趕咁落單，我都好趕咁ORDER，大家都咁趕，我咪唔記得走芽努力分梗芽菜嘅時候，我深
因為雲貴香真係幾好味
我自己一個人食飯，WHATSAPP 問朋友嗰頭食咩好
佢哋都點名話去雲貴香
孤獨精自己一個食，所以唔洗同人等位，其實一個人食飯，又有咩好怕喎
食雲貴香，坐得一定唔舒服，因為佢環境仲劏過劏房
條行有人出梗，就入唔到，個身多啲肉都唔得掂
位就當然窄
一個舖，盡可能擺盡多枱，盡入客
但注意，入咗客，其實廚房唔一定跟得切，所以佢出菜係慢嘅
明明啲伙記已經做得勁快，但見到真係踢晒腳
所以佢同時都好香港，係香港好侷促，好SAD嗰一面
我諗，史提芬周2016年食神，應該唔會整瀨尿牛丸，應該整酸辣麵
啲位有咁窄得咁窄，啲湯有咁辣整咁辣，啲冰有咁大粒得咁大粒
雲桂香成日食咖啦！酸辣好味嘛！但今日個腩肉真係好硬
失咗手喎師傅
舖頭好熱，有冷氣都覺得熱，一定要叫凍嘢
杯凍檸茶唔記得叫少甜，但佢已經自動有少甜嘅效果！
腩肉小鍋米線+凍檸茶
$39
34 views
0 likes
0 comments
食到咁上下，會發覺好難分返開啲麵同芽菜
梗係難分啦！咁多芽菜。都有麵嘅三分一。
老一輩話芽菜唔好食咁多，好陰寒
但呀姐好趕咁落單，我都好趕咁ORDER，大家都咁趕，我咪唔記得走芽
努力分梗芽菜嘅時候，我深深感到後悔，點解落單時唔冷靜啲
點解要畀人掌握住節奏，點解！！！
雲貴香所做嘅，大概就係一般酸辣麵舖能夠做到，所以係NET NET近幾年好流行酸辣麵店，以前就興車仔麵/雲吞麵店
嗯…麵店唔需要好似茶餐廳咁提供咁多選擇，要求又簡單啲
但係相對傳統麵店，口味又重啲，又大碗啲，又可以貴啲
但諗諗下，我有啲掛住由細食到大嘅雲吞麵店
細細碗，而且一定係落夠人哋半支醋，我先會甘心
Post
