峰壽司 (Closed)

10月4日, 今日lunch去咗新港地下嘅food court食野, 行行見到最愛嘅峰壽司, 忍唔住就揀咗食~ 可知峰壽司已經執下一間執下又一間, 有機會我地都要把握食下~::: 下午茶餐 :::一個tea set 都幾多野, 有個炸雞烏冬、三文魚壽司、蟹棒壽司、加洲卷同蔥粒吞拿魚手卷~ 炸雞烏冬個烏東都ok, 正常湯底嘅烏東都唔會好淋, 但係炸雞就求其咗d, 嗰2粒仔炸雞炸皮多過肉, 賣相都好普通... 加洲卷幾多蟹籽, 手卷塊紫菜都幾脆~::: 三文魚 :::塊三文魚都仲係幾大塊, 冚得晒個飯, 肉質都幾新鮮油潤~ keep得住水準~::: 帆立貝 :::帆立貝依舊咁大粒, 入口鮮甜, 亦都係必食之選~::: 峰蝦 :::峰蝦肉質都彈牙, 好少可食到咁好味嘅蝦~::: 火炙蟹棒 :::火炙蟹棒都係每次必叫, 因為蟹棒面頭嗰d沙律醬燒過之後更加惹味, 配上蟹棒食又好夾, 推介! 其他地方都食唔到~::: 蔥粒吞拿魚 :::吞拿魚太乾身, 唔夠油潤, 以前食都唔係咁, 可能今次d吞拿魚碎唔靚...::: 北寄貝沙律 :::北寄貝沙律都因為可能冇乜人叫, d料太凍太雪味, 唔係好食得出北