三寶皇

Open Now

Now Closed

恆安邨街市自從幾年前裝修咗之後呢，新加咗好多間熟食食肆。其中一間有賣點架呢，就係主打賣手包燒賣嘅三寶皇。依度賣嘅魚肉燒賣係即包即蒸即賣，都會見到有個阿姐坐喺度即包燒賣即賣嘅。因為係即蒸嘅關係，所以有陣時燒賣未出爐都要等一下。佢哋一粒燒賣係比一般嘅雪藏魚肉食係大粒好多，幾乎只係比酒樓嘅豬肉燒賣係細ＤＤ。咬落去就比較彈牙，仲又會有Ｄ鬆軟唔會得個彈字，比平常的多左魚味。價錢當然係比一般嘅貴少少，$14有7粒，但因為佢大粒嘅關係，其實一個人下午茶都未必食得晒一份，或者食完之後會好飽，當小食食嘅話食可能三個人食兩份已經好夠。其實佢地開張果陣出品係更好，但係食下食下，其實覺得佢魚肉嘅份量應該係落得少左，肥豬肉多左，係依排好返ＤＤ，但係都比一般雪藏貨嘅好。希望佢哋唔會越來越少啦，唔得嘅話成舊粉咁，就會一啲都唔好食。